كتبت زيزي غريب
معظم الناس تمر هذه الأيام بضغوط كثيرة في المعيشة والشغل والدراسة وكل جوانب الحياة لا أنكر هذا بس أن لنفسك عليك حق
حق انك انسان
تعالوا معي نتحدث سويا حديث من القلب للقلب كي نتعامل مع بعض ب رحمه ومع انفسناة ايضا لا تستهن ب من قال موجوع علي فكرة لما حد يقولك انه مضغوط دا مش بيدلع ولا بيهول ولا مكبر الموضوع. دا احساس صعب جدا ماتستهونش بيه مش لازم يبقي مش قادر يتحرك قدامك عشان تصدق دا اللي جواه وحاسس بيه اكبر من اي تعب الشخص المضغوط مبيبقاش في حالته الطبيعية خالص حرفياً مبيبقاش هو .
لا في مشاعره ولا في تصرفاته ولا حتي في طريقته وبيبقي محتاج في الفترة دي اللي يستوعبه ويهديه ويستحمله ويحتويه لحد ما يرجع لنفسه وطبيعته .
بس للأسف مش اي حد بيفهم دا ويقدر.. بالعكس بتلاقي اللي بيصدر له ضغط زيادة عليه لحد ما يخليه للأسف ينفجر ويخرج عن شعوره و يمسك في رد فعله ويحاسبوه عليه رغم ان كل دا خارج عن ارادته .
جسمك بيتأثر بطاقتك الداخلية و كل آلم بتحس به السبب الحقيقي وراء الوجع الي بتحسه في بطنكإنك بتكون خايف أو مرعوب أوعندك انعدام ثقة تجاه شيء معين.
وسبب الآلم الي بتحسه في كتفك إن حضرتك شايل حمل كثير عليك في الحياة.
وأمراض القلب سببها انك إتعرضت لحزن شديد جدا عليك .
والوجع الي بتحسه في رجلك سببه خوف من المستقبل أو من الخطوة الي جايه الي إنت خايف تعملها،انتبهوا.
والكرش الي انت بتقعد تتريق فيه علي غيرك وتقوله إنت تخين أوي وكرشك كبير،ممكن يكون بيأكل كثير، لكن حقيقة في مشكلة نفسية عنده وهي إنه بيحس بمشاعر عدم تسامح أواستياء تجاه شيء معين ،
فبلاش نتريق علي حد.
و المشاكل في السمع تأتي من أشياء لا تريد أنت سماعها لإنها ستغير كثيرا في حياتك.
والمشاكل في الرحم سببها إن في مشاكل مع امك منذ الطفولة وإن المشاكل دي لسه ما اتحلتش لحد دلوقتي
فلازم تبتدي تصلح العلاقة الغير سليمة دي.
السيلوليت الموجود بالجسم أو الخيوط البيضاء أو الترهلات المتراكمة سببها غضب محبوس في جسمك.
والمشاكل في ضعف البصر سببها عدم رغبتك في رؤية أشياء معينة وتصديقها لإنها ستؤدي الي تغير أشياء كثيرة بحياتك.
خدوا بالكم إن جسمنا هو الأداة الي دايما بتنبهنا إن في مشكلة نفسية عندنا وإننا لازم ناخد بالنا منها ونحلها.
ولا تنسوا دائما وأبدا أن كل مرض عضوي سببه مرض نفسي.
فأرجوكم إوعوا تستهروا بحد أو بمشاعره لما يضايق ويقولك قلبي واجعني ،إوعوا تقولوا عليه بيمثل لإن حقيقة وعلميا القلب من جواه فيه خيوط بتتأثر بمشاعرنا وإحساسنا
فلما إنت بتتوجع أو بتحزن أو بتغضب غضب شديد بتبدأ بالتمزق ، فمش لازم ان قدرتك تكون زي قدرة غيرك في تحمل الموقف، ممكن يكون موقف تافه بالنسبة ليك لكن مش تافه بالنسبة لغيرك ،كلنا مختلفين في المشاعر والقدرات ولكن رفقا ب بعض هون تهون لا شيء يستحق الحزن .
الحياة جميلة كيف لك ان تحزن وحياتك بين ايدي امينة يد الله المبسوطة بالخير اسعد نفسك بنفسك لا ترهق نفسك بالتفكير في الغد فالله مقدر كل شيء في كتاب مسطور
في النهايه احب اقول لكم نصيحه التراكمات قد تجعل الانسان يقسوا رغم لين قلبه او يكابر رغم شدة حبه اياك ان تأذى نفسك بالصبر على علاقات كثيرة الشدة والاستفزاز والوجع علاقات مليئه بسوء الظن فهذه العلاقات تقتلك نفسيا وعصبيا وراوحيا لذلك لا بطوله فى استمرارك فى العلاقات السامه الحكمه الابتعاد واحمي حدودك النفسية
من وقت للتانى بنحتاج أننا نبعد نبعد عن كل حاجة حوالينا نبعد عن الضغوط والمشاكل والهم نبعد عن الدوشة والزحمة نبعد عن الكلام وقالوا وقولنا مانتكلمش مع حد ولانسمع حد
بنحتاج هدوء من وقت للتانى بنحتاج نعمل إعادة ضبط ونصفى دماغنا من اى تفكير حاجة كدة شبه الوقت المستقطع نختلى بنفسنا ونطبطب على روحنا بنحتاج نهتم بقلوبنا ونفسيتنا شوية عشان نقدر نرجع تستأنف حياتنا تانى ونكمل فى مفرمة الحياه اللى عايشين فيها .