بقلم زيزي غريب
لما حد يسألك نفسك ابنك يطلع ايه ؟ قول له نفسي يطلع مبسوط مرتاح البال وراضي، وسوي نفسياً وقبل كل دا يرضي ربنا أي حاجة تانية مش مهم !
فما عادت التربية تنفع بقطع الحلوى والكلمات الجميلة والقصة المختلَقة قبل النوم
ما عادوا يرون بعيوننا ولا يسمعون بآذاننا لقد فتَحت لهم الدنيا طرقًا ودروبًا ومسالكًا كثيرة ما عدنا نستطيع أن نأمر فنُتَبع أو ننهى فنطاع
لقد كبرت عصافيرنا الصغيرة وبدأت تطير وحيدة وترى عالمًا واسعا جديدآ بكل مافيه انت قدوة لأولادك .
بس دا مش معناه انك لازم تبقى على طول صح دي اصلا اول غلطة..
اول درس لاولادك انك بشر بس بشر بيحبهم على عيوبهم ولازم هم كمان يحبوك على عيوبك.
تاني غلطة انك تحسسهم انك عارف كل حاجة.لإن مفيش حد عارف كل حاجة..
تالت حاجة فرق كبير انك تكون سند ليهم وبين انهم يعتمدوا عليك وما يعرفوش ياخدوا قرار من غيرك.. انت كدة بتحولهم لاشخاص ضعيفة بتلغي عقلهم وشخصيته
محدش دايم لحد ربي اولادك للزمن مش لنفسك. كن قدوة يعني يشوفوك في ضعفك ويتعلموا يعذروك ويشوفوك في قوتك رحيم ويشوفوك بتغلط وتعتذر. وبلاش تربيهم بافكار زمانك علي رأي سيدنا علي بن ابي طالب لا تربوا أولادكم كما رباكم أباؤكم فإنهم خُلقوا لـ زمان غير زمانكم . حبهم واقبلهم واديهم حريتهم حيرجعوا لك حبا لا اضطرارا
رجاء أو نداء لكل اب وام بلاش خناق ومشاكل مع بعض أمام أولادكم . ليس لهم ذنب فيما بينكم قبل ما الخناق علي مديات وضغوط مصاريف واكل وشرب
افتكروا أن هما لا ذنب لهم مش جيبنهم الدنيا علشان تعزبوهم وطلععوا اجيال معقده من الزواج والحياه
هما محتجين منكم حب وحنان واحتواء حتي لو فقراء الفقر تربيه واحترام مش نقود اولادكم كبروا وبدأت تتغير ملامحهم وأفكارهم
كل حاجة في حياتنا ليها ثمن وكل ثمن بيدفع ليه نية سواء كان فعل حركة أو ترك أو فكرة لازم أصدقها وأشتغل عليها
وعشان الثمن ده مش سهل فكل ثمن ليه حكمة
الثمن ده هو العبادات اللي بنعملها عشان نحافظ على دورنا في الحياة أو نحافظ على القيم بتاعتنا أو نحافظ على علاقات ربنا استأمنا عليها
الشغل مثلاً ليه ثمن وثمنه في التعب والجد والإتقان والزواج ثمنه الرفقة والمودة والرحمة الإنجاب له ثمن هو اخراج جيل صالح يعبد الله وحماية الروح اللي ربنا أسكني إليها وغيرهم كتير من الأثمان اللي لازم ندفعها لو حاجة في حياتنا ليها قيمة ومحتاجين نوصلها أو نحسنها أوحتى نحافظ عليها طيب لازم تعرف إيه هي الحاجات اللي ليها قيمة عندك وتعرف اذاي ثمن كل حاجة فيهم فاضل إنك تدفع الثمن ده بطيب خاطر إرضاءاً وتقرباً إلى الله وسعياً لمعرفة حكمته
ادعوا الله من قلوبكم🙏
جمّلهم بالستر والعفة وارفعهم بالهمة والعزة احفظهم لنا من زمن كل ما فيه فتن سلمهم من مستنقع شهواته وبحور شبهاته علمنا الحكمة في تربيتهم والأسلوب في توجيههم لا تجعلنا تعبًا لهم ولا تجعلهم تعبًا لنا افتح لنا مغاليق قلوبهم ووسع صدورنا وفهمنا لكي نحتويهم ونكسبهم ولا تكل أمرهم وأمرنا إلا إليك وعاملنا معهم بألطف لطفك وواسع جودك واجعلهم فخرنا وراحة صدورنا وقرة أعيننا وارزقنا تمام برهم في حياتنا وبعد مماتنا
ولا ترفع عنا وعنهم معيتك ما أبقيتهم وأبقيتنا إنك بنا حليم خبير
يالله يا قدير يا مقتدر يا قادر لاتكسر لنا فيهم روحا ولا قلبا ولا رجاءً ولاخاطرًا