بقلم اد فتحي الشرقاوي
التفسير النفسي لظاهرة الندالة،دعونا نتفق منذ البدايه أنه شخص قليل الأصل لأنه لو كان عنده مثقال ذرك من التربية والأخلاق كان صان المعروف ورد الجميل بجميل مماثل أو أفضل منه فعندما تكون جدع وشهم في وقت محنته وضعفه،وهو قليل الأصل ومش قادر يرد لك الجميل حينئذ يعتبر جدعنتك وشهامتك غير الموجودة لديه نقطة ضعف عندة ونقطة قوة عندك وبالتالي كل مابيشوفك أمامه او يسمع حد بيجيب سيرتك على طول بيفتكر نقطة ضعفه ونقصه، من الآخر أسمك وشكلك وصوتك وحضورك بيفكره بفضلك عليه وهو مش طايق هذا الإحساس الدفين جواه ،فشعوره بتميزك وفضلك عليه بيموته جواه مئات المرات و يدفعه لتمني أن تكون أنت في مثل ضعفه ولكي يقلل من حدة هذا الشعور المميت الذي ينتزع اوجاع نفسه من الداخل، يلجأ إلى التفكير في ايذائك وكيل الضربات لك من تحت لتحت ،وبهذه الطريقه يمكنه تحقيق هدفين نفسيين في وقت واحد أولها عدم توقعك الضربه منه لأنك كنت جدع معاه ومأمنه و ثانيهما سعادته بأن رمز العطاء ( اللي هو إنت ) اصبحت واقع في مشكلة وكأن لسان حاله المريض بيقول اهو مش أنا بس اللي بقع في مشكلات إنت كمان بتقع فيها زي ومش كاسر عيني بحاجه ومفيش حد أحسن من حد فعلا نفوس مريضه ومنفسنه
علم النفس علم للحياة ❤️
#مجرد _خاطرة
ا.د. فتحي الشرقاوي
أستاذ علم النفس
جامعة عين شمس