كتب شريف حنفي
*هناك من يقلل من نجاحنا ويعظم خسارتنا*
*تكريم منتخب تنس الطاولة علي انجازه التاريخيّ وعقاب المتجاوزين*
وجهة نظر 👀 هناك من يضرب استقرار الرياضة المصرية لأنها احدي قوانا الناعمة وأسلحتنا المميزة ، كل حاجه بتحصل تشعر انها بفعل فاعل ، وللأسف السوشيال ميديا سهلت الأمور دي جدا ، وهناك بعض المنساقين دون رغبة في التفكير او التدقيق فيما يحدث .. #منتخب_مصر لتنس الطاولة راجع بنجاح تاريخي ومحطم ارقام ، بعدما توجت بعثة منتخب تنس الطاولة بكأس البطولة الأفريقية والفوز بجميع الميداليات الذهبية وعددها سبعة ميداليات في منافسات فردي الرجال وفردي السيدات وزوجي الرجال وزوجي السيدات والزوجي المختلط وفرق الرجال وفرق السيدات ، وده إنجاز تاريخي لم يتحقق من ٢١ عاما تحديدا #تخيلوا من عام ٢٠٠٤ .. وده إنجاز مصري نتيجة شغل كتير ، وعمل متواصل ، هناك من يقلل من قيمة من فوزنا ونجاحنا و يعظم خسارتنا ؟! ، حتي نترك كل النجاح الساحق السابق ذكره ونمسك في خناقة بسبب اتنين لاعيبة فلتت أعصابهم ونقول كل حاجه وحشة ، اللاعيبة غلطت وهيتحاسبوا بس مندمرش كل حاجه بقي ، ونولع في الدنيا علشان خناقة ، ماهي الدنيا لو خرابة مش هنقفل المنهج في افريقيا كده و نفوز بكل الميداليات !! ، ده احنا بتنافسنا دولة محترمة فيها محترفين وناس صارفه ومكلفة برضه ، مش انت بس اللي بتصرف وبتنافس ، أنا شايف ان منتخب تنس الطاولة يستحق التكريم واولهم رئيسه ولاعبيه ومدربيه ، وبرضه اللي غلط يتعاقب ، مش نشوه الإنجاز وتضيع بادينا حقنا في الريادة ، ياريت نصحصح وناخد بالنا من أعداء النجاح واعداء بلدنا المتربصين بالوطن
#تحيا_مصر 🇪🇬🇪🇬🇪🇬