بقلم ا.د فتحي الشرقاوي.
وأنا هوريك هعمل فيه ومعاه إيه، أسلوب بعض الأمهات في التعامل مع زملاءه إبنها الذين ضربوه واذوه سواء بقصد منهم أو دون ذلك…
#ياسيدتي…
أنا مقدر تماما حرقة قلبك وتوترك على منظر إبنك بعد ضربه والاعتداء عليه وجايلك معيط ومتشلفط..
وأعلم جيدا مدى غضبك و انفعالك وتوترك وأناشخصيا متعاطف معك انسانيا وبحترم دافع الامومة إللي جواك،لكن إنك تنزلي بنفسك مكان طفلك وعاوزه تجيبيله حقه بنفسك من إللي ضربه واذاه،كده إنت دخلتي دائرة الغلط واسلوبك في التصرف غير صحيح وخليكي معايا وحدة وحدة
#أولا. ابنك هيتعودبالتدريج إنه يعتمد عليكِ في كل موقف يتعرض فيه للضرب و الاهانه من أي حد وبالتالي تفقدية كيفية تعلم الدفاع عن نفسه ورد الظلم الواقع عليه،وابنك عندما يكبر سيكون اقرب الى الشخصية المهزوزة لا بيهش ولابينش وغير قادر حتى يطالب بأبسط حقوقه.
#ثانيا.
لو كل مرة تدختلي وشخطتي وضربتي
العيال إللي ضربوا ابنك يبقى كده إنت بتفتحي الباب امام من ضربوه وعنفوه إنهم يجعلوا ابنك في مرمى انتقامهم الدائم.
ليس كراهية فيه ولكن انتقاما منك إنت شخصيا
وبالتالي توقعي المزيد من عنفهم عليه والمزيد المقابل من تصعيدهم للعنف علي ابنك.
#ثالثا..
لو طفلك شافك في موقف اعتداء أي طفل آخر عليك باللفظ أو السخرية أوالتهكم فاعتبري إن هذه اول درجة من درجات اهتزاز صورتك كنموذج له وقائدة عليه وبداية انهيارك كرمز وعليك إن تتخيلي باقي المأساه..
#رابعا…
تدخلك المستمر على الفاضي والمليان للدفاع عن ابنك، قد يعطي ايحاء لبقية زملائه بأنك مصدر للرعب..
وبالتالي يبتعدون عن التفاعل مع ابنك أو اللعب معه،مما يصيبه بالشعور بالوحدة والتهميش ومش عاوز أقولك الباقي هيكون إيه لما يكبر.
#خامسا…
تفتكري لو حد من آباء وامهات الأولاد إللي إنت بتعنفيهم تدخل في الأمر..
تفتكري السيناريو المتوقع ممكن يكون إزاي قدام ابنك.
ياسيدتي..
ربي ابنك على كيف #يثق في قدراته وكيف #يتعامل مع الأخرين بإختلاف سماتهم وخصائصهم.. وكيف #يدافع عن حقوقه ونفسه..
استقيموا يرحمنا ويرحمكم الله
مجرد خاطره
ا د فتحي الشرقاوي
أستاذ علم النفس
جامعة عين شمس