كتب جودة عبد الصادق إبراهيم
تردد خلال الفترة الأخيرة، وجود أنباء عن خلافات بين نجلي النجمين عادل إمام ومصطفى متولي، وهما محمد إمام وعمر متولي، بسبب فيلم “شمس الزناتى” الذى يقدم بعد مرور 33 عاما من الفيلم الأصلي.
وصرح النجم عمر متولي قائلًا: مفيش مشاكل خالص، أنا بحب شخصية سيد سبرتو من زمان، من قبل ما أمثل وأنا نفسي أقدمها، تزامن ده مع أن الفيلم بيعمله محمد إمام، أنا معنديش مشكلة إني أعمل مسلسل وفيلم مش بحسبها كده أنا بحب الدور الحلو.
وأضاف عمر متولى: كنت بعمل شخصية مشابهة، وقت ما كنا بنحضر، وصعب أقول للمنتج إني هعمل الشخصية دي في فيلم وبعدين هرجع أعملها معاك في مسلسل، كانت هتبقى مشكلة فاعتذرت وقتها، ومحصلش أي مشاكل ولا خلافات، وبالمناسبة الممثل اللى هيعمل الشخصية مميز جدًا، ويليق بيها، ولو أنا بفكر أختار مش هلاقي أحسن منه يقدم الدور.
فيلم شمس الزناتى يقوم ببطولته محمد إمام وإخراج عمرو سلامة.
بينما الفيلم الأصلي قام ببطولته عادل إمام ومحمود حميدة وسوسن بدر ومحمود الجندي وأحمد ماهر ومصطفى متولي وعلي عبدالرحيم وعبدالله محمود وإبراهيم نصر، ومن إخراج سمير سيف.