كتبت ليزا رضا العيسوى
تحدث خالد مرتجي أمين صندوق النادي الأهلي، ورئيس بعثة الفريق الأول لكرة القدم بالنادي في المملكة العربية السعودية، عن تحقيق الفريق للميدالية البرونزية بكأس العالم للأندية.
وقال مرتجي خلال حديثه عبر قناة أون تايم سبورتس: “كنا نتمنى أننا نعمل أحسن من كدة لكن الحمد لله رب العالمين على وجود النادي الأهلي على منصة التتويج”.
وأضاف: “المنظومة الناجحة بتضيف بسمة وفرحة على جموع أغلبية الشعب المصري الأهلاوي الجيل ده يستاهل كل احترام يمكن الواحد زعلان أنه كان حاسس أنه ممكن يبقى أحسن من كدة كنتيجة خاصة أننا حاسين أن في بعض الظلم التحكيمي في ماتش فلومينينسي وكان ماتش سهل وقريب مننا وهما كانوا حاسين بكدة”.
وأكمل: “ربنا سبحانه وتعالى مضيعش الجهد اللي كان بيبذل من اللعيبة انهم ميبقوش موجودين على منصة التتويج الناس كلها بتتغنى بالنادي الأهلي”.
واختتم مرتجي حديثه: “وأنا نازل رئيس نادي السيتي بيقولي كنا نتمنى نلعب معاكم في النهائي وكنتوا تستحقوا وموتسيبي بيقولي ويقول لكابتن الخطيب طول الوقت كل ما يشوفنا أنتوا فخر إفريقيا.. جوارديولا بيقولي أنا روحت مصر محدش بيتكلم غير على النادي الأهلي”.