بقلم ا.دفتحي الشرقاوي
في ناس صورتهم جوانا بتكون حلوة طول ماهم بعيدين عنا شويةو أول ما بنقرب قوي منهم ونشيل المسافات معاهم، نجد صورتهم الحلوة اللي كانت مرسومه عنهم في دماغنا
تحولت لكابوس مرعب ( واقع مؤلم) بحيث لاطايقنهم ولا هم طايقنا،ويمكن نفكر احنا الاتنين جديا في الابتعاد عن بعض ،بس للأسف بعد ايه‼️بعد فوات الآوان ❌️
التفسير النفسي : مش حلو خالص انك تظل ليل نهار قاعد وقايم مع أحدهم، تفضفض ونازل كلام معه عن ادق تفاصيل حياتك،إنت كده بتعري نفسك من غير ما تشعر
وفجأة وفي لحظه ما من لحظات الزمن، تقلب معاكم إنتم الاتنين بكابوس،لأن كل واحد منكم بيكون عارف التاني وحافظه وعارف كل حرف وكلمه وجمله في قاموس حياته ، وده في حد ذاته امر خطير جدا، ومع أول صدام وخلاف حقيقي بينكما انتم الاتنين بتكون المعركه مفتوحه وقذره جدا،حيث
يستخدم فيها كل طرف كل الملفات الخفية اللي يعرفها عن الاخر،
نصيحتي
ماتقربش زيادة عن اللزوم وماتفتحش قوي في الكلام عن أدق تفاصيل حياتك تحت شعار ،بنحب بعض وستر وغطا لبعض…اه ..لو تعرفوا اللي ممكن يحصل في الوقت ده..أصحاب اليوم قد يكونوا أشد اعداء الغد ،لا تقربوا قوي ولاتبتعدوا قوي وخليكم متوازنين إنه فن اتقان المسافات اللي معظمنا لا يعرف كيف يتقنه ولا حتى سمع 👂 عنه
مجردخاطره
ا.د.فتحي الشرقاوي استاذ علم النفس
جامعه عين شمس