زيزي غريب تكتب ..ازرع الإبتسامة في نفوس الآخرين مهما كان الحزن يحتويك

كتبت زيزي غريب

الناس يعيشون في نفوس الناس أكثر مما يعيشون في نفوس أنفسهم أي أنهم لا‌ يتحركون ولا‌ يسكنون ، إلا‌ لأ‌ن الناس هكذا يريدون

السعادة.. تكمن في تقوى الله والرحمة والتواضع والكلمة الطيبة ومحبة الناس واحترامهم .. وتلك الصفات من أسباب سعادتك كما أنها من أجمل ما يتركه الإنسان في نفوس الآخرين .

موضع تعب ناس كتير ده مشي وده غدر وده اتغير ده أصبح وده امسي لاتصدقوا أن المشاعر تتغير فجأة حتى وإن أراد أصحابها ذلك المشاعرعملية تراكمية تتغيربالإهمال والتجاهل بالكذب والعناد بالصمت المتعمد والكبرياء الأعمى الشيء الذي لم يدرسه طبيب القلب أن هناك قلــــــــــوباً تسمع وترى عن بُــــــــــعد.

سيب الناس تعيش براحتها سيب اللي يسأل عليك يسأل واللي ينشغل عنك ينشغل واللي يفضل في حياتك ينور واللي مش عايز برضو أهلا وسهلا ..

متفرضش نفسك على حد خليك ضيف خفيف في حياة اللي حواليك ومتبقاش كتير اللوم والشكوى إدي فرصه لكل واحد يختار المساحه اللي عايز يبقى فيها ف حياتك .. أنا عدى عليا ف حياتي بني آدمين كتير قوي منهم اللي خرج بلا رجعة .. ومنهم اللي علاقتنا بقيت من بعيد لبعيد بعد ما كنا قريبين جدا … ومنهم اللي علاقتنا بقيت عادية بلا أسباب .. ومنهم اللي علاقتنا بقيت أقوى بالسنين ..

بس من كل ده طلعت بملحوظة بقيت مؤمن بيها جدا وهي : إوعى تصدق إن مفيش حد مابيتغيرش .. الشخص اللي ف شله كلها ناجحين وشايفينه اقل منهم هو الشخص الوحيد اللي بيعاني بجد الشخص اللي بيحاول انو يبقي زي الشله بتعته هو اكتر شخص مضغوط ف الحياه الشخص اللي مش فارض نفسه علي حد بس ف ناس معينه ليهم مكانه عنده بس عمره مابينها بسبب كبريائه الشخص اللي عايز يحقق حلم وعايز يوصله الناس اللي حوليه بيمنعوه ومش مؤمنين بيه مع انهم لو ساعدوه هيبقي انجح انسان ،هيبقي الشخص اللي هو عايزه الشخص دا برده هو اللي اهله شيفينه مستهتر وبيعمل مجهود كبير لكن مش قادر يوصل بسببهم هم مش علشان مستهتر بالعكس دا انسان قوي الشخص اللي حوليه ناس كتير اوي بس مش قادر ابدا يستامن اي مخلوق علي اللي جواه حتي لو اقربهم ليه مش قادر يقول اللي بيحصل فيه واللي ف بيته خايف ع صورة اهله وكاتم جواه والشخص دا امله وسعيه ف الحياة هو شيء واحده الا وهي السعاده في وجه الناس اللي بيحبهم فرحانين و فخورين به وبإنجازاته ف يوم من الايام ؛

الشخص اللي دائما بيدي الناس مكان ف قلبه كبيير مكان هم اساسا لا يستحقوه ومع ذلك هو عارف انو ملهوش نفس المكانه عند الاشخاص دي الشخص اللي بيتنازل دائما وبريء لو ذاق اسوء المعامله منك عمره مايفكر انو يدوقها لغيره او لك لانه ببساطه عارفه صعوبتها وتاثيرها النفسي هو نفس الشخص اللي بيتقارن بناس ملهوش علاقه بيهم ومش عايز دا لانه ماينفعش يتقارن بيه ودي مش عنصريه لا!! لان الشخص اللي بيتقارن بيه مش بيعمل نص اللي هو بيعمله ممرش باللي بيمر بيه ومر بيه ف حياته دا شخص ودا شخص تاني خالص دا عايش مع ناس ودا عايشش مع ناس تاني دا اهله بيعاملوه بشكل ودا بيعاملوه بشكل الشخص دا الحياة صعبه اوي عليه ومش عارف يتخلص منها لانه مؤمن بالله وحافظ كتابه كويس اوي وعارف انو مايقدرش يتخلص من نفسه لانه ببساطه هيهدم كل اللي بناه ف الدنيا وكمان يخسر الاخره …

الشخص اللي اتاذي من الناس اللي المفروض يحافظو عليه (مش عائلته)ولا (اصدقائه ) هم ناس من دمه للاسف ومش قادر يواجهم لانه مينفش الكلام بينهم يحصل ! والاذيه دي لا يعلمها سوي هو والاشخاص اللي اذوه والله عز وجل فقط ….. الشخص دا بيعاني وعاني وهيعاني ف حياته الي مدي الحياه الشخص اللي يومه بيدأ 8 الصبح ويخلص 1 بالليل هل هو المفروض يعمل اي يبص لحياته ولا ينام ولا يعمل اي الشخص اللي مضغوط وبيتضغط عليه دائما وهيتضغط عليه ومحدش بيحس بضغطه دا ولا حاسس بيه حد ولا بصحته اصلا الشخص اللي مر بحجات ف حياته ماينفش حد ف سنه يمر بيها زي “اكتئاب , مسؤوليه , حمل كبير , عبء , اذيه بشكل لا يتحمل بس هو اتحمل وصبر , هجران من اللي حوليه , ع الرغم من صغر سنه بطل يعاتب وكبر دماغه , شهادة ميلاده مكتوب فيها سن ودماغه بتوريك سن تاني ” {إن الله مع الصابرين} الشخص اللي الناس اذته هو الوحيد اللي بكلمه منه ممكن يدمر حياتهم بابشع شكل بس هو طيب لدرجة انو عارف اسرار لو طلعت الدنيا ممكن تقوم ماتقعدش تاني لانه بكل بساطه قلبه دا بير لكن مهجور ماحدش شرب منه ابدا ولا حد ممكن يشرب منه حتي الموت….. كل الكلام دا ف شخص واحد بس مش اشخاص متفرقه ..

ادعو من قلوبكم بالتوفيق والسعاده للناس دي ولكم لانهم بيعانو فعلا اما حد يقولك ان هو مضغوط ..

دا لا بيدلع ولا بيهول ولا مكبر الموضوع.. دا احساس صعب جدا ماتستهونش بيه .. مش لازم يبقي مش قادر يتحرك قدامك يعني علشان تصدق ..

دا اللي جواه وحاسس بيه اكبر من اي تعب ظاهري.. الشخص المضغوط مابيبقاش في حالته الطبيعية خالص .. حرفياً مابيبقاش هو .. لا في مشاعره و لا في تصرفاته ولا حتي في طريقته و بيبقي محتاج في الفترة دي اللي يستوعبه ويهديه و يستحمله ويحتويه لحد ما يهدا و يرجع لنفسه وطبيعته ..

بس للأسف مش اي حد بيفهم دا و يقدر كده .. بالعكس بتلاقي اشخاص كتير بتصدرله ضغط زيادة عليه لحد ما يخليه للأسف ينفجر ويخرج عن شعوره و يمسكو ساعتها كمان في رد فعله و يحاسبوه عليه رغم ان كل فيه دا كان خارج عن ارادته ..

سبحانه الذي يغير ولا يتغير دع الخلق للخالق ترتاح وتريح لا تغرنك النعم الظاهرة على البعض . فتقارن نفسك بغيرك فـ لكل إنسان له من الخفايا مالا يعلمها إلا الله.. الناس جميعاً مبتلون، ولكن نوع الابتلاء يختلف، فلا تنظر لما حرمت منه فى غيرك، فربما عندك ما حرم هو منه وأنت لا تدرى!

ارض بما قسمه الله لك، تكن أغنى الناس .