كتب جودة عبد الصادق إبراهيم
أعربت الفنانة فيفي عبده عن رأيها في الرقص الشرقي في الوقت الحالي، مؤكدة أنه فقد هيبته وقيمته مقارنة بالماضي.
وقالت عبده في تصريحات إذاعية: “الجيل الحالي بعافية شوية، والرقص زمان كان له هيبته وقيمته، واللي كان بيتفرج كان له تقله مش زي دلوقتي، ودلوقتي الرقاصة بالزمبلك كأنها لعبة وبيقلدوا بعض”.
وأضافت: “أنا كسرت الدنيا بالجلابية، ولما كنت فقيرة مكنتش بقدر أشتري بدلة أرقص بيها، ولما ربنا إداني جبت 5 مصممين أزياء واشتريت”.
الندم على عدم تسجيل المسرحيات
وأعربت عبده أيضًا عن ندمها على عدم تسجيلها للمسرحيات التي قدمتها خلال مسيرتها الفنية.
وقالت: “غلطة عمري إني مصورتش المسرحيات اللي عملتها، أنا عملت 15 مسرحية واللي اتصور حوالي 3 بس، ودلوقتي براجع نفسي بعد ما بقى في ميديا هتجنن ليه مسجلتهمش، ودلوقتي لو رجعت أعمل مسرح هصور اللي مصورتهوش”.
وتُعدّ فيفي عبده من أهم راقصات الشرق الأوسط، ولها تاريخ طويل في هذا المجال. وتُعرف عبده برقصاتها المميزة وأسلوبها الفريد، ولها العديد من المعجبين في جميع أنحاء العالم العربي.