كتبت ليزا رضا العيسوى
اعرب مصطفى شوبير حارس مرمى الفريق الأول لكرة القدم بالنادي الأهلي، عن سعادته الكبيرة بعد الفوز الذي حققه الفريق على حساب يانج أفريكانز التنزاني في دوري أبطال إفريقيا.
وحقق المارد الأحمر الفوز على يانج أفريكانز بهدف دون رد سجله حسين الشحات، في المباراة التي جمعت بينهما مساء اليوم الجمعة ضمن منافسات الجولة السادسة والأخيرة من دور المجموعات بدوري أبطال إفريقيا.
وقال شوبير بعد المباراة عن زيادة ثقته بنفسه: “أكيد طبعا الماتشات بتفرق ولما بتحط رجلك في الملعب الموضوع بيختلف في ضغوطات كبيرة في النادي الأهلي مطلوب منك طول الوقت تكون حاضر وده في الأول والآخر كرم من ربنا”.
وأضاف: “بقالنا فترة مصعدناش بالسيناريو ده ولازم يكون في أحداث وتشويق لكن الحمد لله ربنا كرمنا وصعدنا أول المجموعة هنحترم أي فريق هنلاعبه احنا أبطال إفريقيا والطبيعي أي حد يقابلنا هو اللي يكون قلقان مش العكس لكن احنا بنحترم أي حد وفي انتظار القرعة ونعمل اللي علينا وناخد البطولة”.
واختتم مصطفى شوبير حديثه: “هنلعب قدام نادي كبير نادي الزمالك وفي أجواء حلوة جدا في المملكة العربية السعودية احنا متشوقين نلعب هناك الأجواء مش جديدة علينا كنا لسة بنلعب هناك كأس العالم للأندية.. احنا ماشيين خطوة بخطوة خلصنا ماتش يانج أفريكانز اللي كان مهم جدا والملف اتقفل وهنفتح ملف الكأس لسة عندنا كام يوم نركز فيهم ونعمل استشفاء كويس لأننا كنا مضغوطين جدا الفترة الأخيرة وان شاء الله ربنا يكرمنا وناخد الكاس”.