كتبت زيزي عريب
يارب استرنا نسأل عن مغنيين لكل يعرفهم واغاني لكل يعرفها وللاسف سألنا عن عدد اركان الاسلام لااحد يعرفها شباب هدا اليوم غير الوجهة ومصيره مجهول ربنا الله مة اهدنا الصراط المستقيم امين
قررت اخرج عن صمتي عايزة اتكلم ف موضوع مهم لاحظته كتير جداً و ميتسكتش عليه الصراحة.
الصلاة!
فى شباب كتير جداً (ولاد و بنات) مبيصلوش و كإن الموضوع عادى!
ليه؟
الموضوع لاحظته أكتر ف الولاد! – أنا عارفة إن فى بنات كتير مبتصليش برضو- لكن يمكن ف المحيط اللى أنا بتعامل فيه وشوفته بنفسى الموضوع منتشر أكتر ف الولاد صراحةً لدرجة إننا لما بنشوف ولد بيصلى الخمس فروض ف وقتهم -اللى هو العادى يعنى بنحس إنه عمل إنجاز عظيم!
أنا اعرف بنات – لما بيكون عندهم عذر شرعى- و بيجى وقت الصلاة و هما ف مكان مختلط بيقوموا كإنهم هيصلوا و بيستنوا ف المسجد تحت بس عشان شكلهم و عشان ميتفهمش إنه عادى يجى وقت الصلاة و يخرج من غير م يصلوا
في حين إنى شوفت بعينى ولاد بيجى وقت الصلاة و يخرج عليهم من غير م يتحركوا من مكانهم و مبيتكسفوش من ده للأسف! اسفه للتعبير عندك عذر انت كمان
كلامى ف البوست ده للجنسين لأى حد مُقصر.
الصلاة تانى ركن من أركان الإسلام
بني الإسلام على خمس:
شهادة أن لا إله إلا الله وأن محمداً رسول الله، وإقام الصلاة، وإيتاء الزكاة، وصوم رمضان، وحج البيت من استطاع إليه سبيلاً
قال تعالى “إِنَّنِي أَنَا اللَّهُ لَا إِلَهَ إِلَّا أَنَا فَاعْبُدْنِي وَأَقِمِ الصَّلَاةَ لِذِكْرِي”
عن بريدة رضي الله عنه أن النبي صلى الله عليه وسلم قال: “العهد الذي بيننا وبينهم الصلاة فمن تركها فقد كفر”
اقرأوا أكتر ف تفسير الحديث ده.
عن أبي هريرة أن النبي صلى الله عليه وسلم قال: “أول ما يحاسب به العبد يوم القيامة يحاسب بصلاته فإن صلحت فقد أفلح وأنجح وإن فسدت فقد خاب وخسر”
فى مشكلة تانية بقى و هى إن ناس كتير لما تبقى مشغولة طول اليوم بتستنى أما تروح البيت و تجمع الصلوات كلها!
و دى مشكلة أكبر لإنه بيفتكر نفسه عمل اللى عليه و أنا هعمل ايه يعنى مبعرفش أصلى أو بيبقى صعب اتوضى برة البيت
أو أنا لابسة بنطلون مش هينفع أو..أو… ربنا بيقول “إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا”
النبى صلى الله عليه و سلم سُئل أَيُّ الْعَمَلِ أَحَبُّ إِلَى اللَّهِ ؟ فَقَالَ : ( الصَّلَاةُ عَلَى وَقْتِهَا )
عُذرك مش مُقنع…
الصلاة فرض على كل مسلم بالغ عاقل خالي من الأعذار
سواء كان ذكر أو أنثى
دوروا و شوفوا الصلاة ذُكرت ف كام آية قرآنية و كام حديث متتهاونوش ف صلاتكوا و متنشغلوش
عنها ترك الصلاة من الكبائر.
افيقوا ايها الاهل
مهمه كل أب وأم في اساسا التربيه مش المدارس الخاصه والبرندات والشكل الاجتماعي هي التربية يا ساده