كتبت زيزي غريب
سٌألتني ابنتي عن الحب وما هو معناه فقلت لها ✋ ربنا خلق الحب بحدود وقواعد الإرتباط حرام أه بس إحنا بنرتبط ، حُب الإرتباط خارج نطاق الخطوبه أو الجواز حرام أه بس إحنا بنحب ، ربنا محرمش الحاجتين دول لدرجة إنه هيدخلك النار لو عملتيهم ربنا أحن من كدا بكتير ربنا حرمهم حفاظاً على مشاعرك أو خاطرك إللي هيكسره حد ميستاهلكيش
ربنا خلق الحب كونه أعظم شعور إتوجد على الإطلاق التفريط و الإستهانه بيه شئ مش بسيط ربنا بيحافظ عليكي و علي مشاعرك ربنا أحن من إنه يشوفك بتخاطري في حاجه هتتعبك و متستاهلش ، حافظي علي مشاعرك .
وواصلت حديتي معها و سألتني ابنتي عن الزواج بعد حديثي معها عن الحب وما عن الزواج يا امي وكيف أختار وكيف اعيش سعيده امنه مع زوجي قولت لها يا ابنتي يجب عليكي اختيار الرجل الصالح . ينقي الله فيكي لا بالمال ولا الجاه ولكن بالحب والاحترام بالمواقف وعقد النيه بأن تعيش معا حياه طويله بيما رضي الله كل منكم يتحمل المسؤولية
انك ماتهونيش عليه يعني مايسمحلك تبقي زعلانة ويراضيكي لو غلطانة يدافع عنك قدام الناس ويعاتبك لحالك ويعمل كل شيء عشان تفضلي مبسوطة يعني سعادتك من اولوياته
ممكن يكون يحبك ويحترمك بس” تهوني عليه ” حنون بس لما يتعصب يبكيكي وما يفكرش يصالحك “وتهوني عليه” .. فقالت لي ابنتي وما عن الزواج السعيد قولت لها دي مسؤلية الزوج والزوجة معا له ضوابط وبعض النصائح لكما مني اسمعي يا ابنتي
زوجة سعيدة = حياة سعيدة
لما الزوجة تلومك علي موقف زعلها منك لا تغضب قول لها لن افعل ثانيا هي لا تحتاج أكثر من هذا. حتي لو قرر الموقف عادي هي عارفه انك هتقرره لكن معلش حقك عليا لتربح والله.
لما الزوجة تبقي حزينة أو مثقلة بأعباء محتاجة لرعاية واهتمام من الزوج لن يكلفه أكثر من لمسة حنونة كلمة طيبة من القلب تحسسها بالتقدير وترفع معنوياتها خاصة من الزوج لأهميته بالنسبة لها لإنه بيمثل لها الدعم والمساندة والأمان قول
زوج سعيد =حياة سعيدة
لما زوجك يكون راجع من شغله ساكت ولا يريد التحدث اصمتي ولا تقولي له شي يكفيه ما يحدث له طول اليوم هو مش محتاج منك لا تتكلمي ولا زن محتاج يرتاح سببه يفصل وهو هيتكلم لوحده لما يروق لما يكون متعصب امشي من أمامه مش لازم الند للتد انتم مش دخلين مسابقه مين يكسب تحتوي زوجك وخليكي سكن وامان وسلام له
وسألتي ابنتي وماذا عن الاختيار يا امي ماتتجوزيش اللي بيزعق فيكي ويهينك وإنتي خطيبته عشان هيمد ايدو عليكي بعد الجواز.
ماتتجوزش اللي بتقفل السكة في وشك كل لما تختلفو، عشان هتسيبلك البيت وتمشي بعد الجواز. ماتتجوزيش اللي بيخليكي تحاسبي علي البطاطس بتاعتك وإنتو مخطوبين لو انتي عندك مشكلة إنك تصرفي علي نفسك وإنتي مراته.
ماتتجوزش اللي طبعها تتطاول علي السايس والجرسون والشغالة وهي خطيبتك عشان هتتطاول عليك إنت بعد الجواز.
ماتتجوزيش اللي مابيحبش باباكي ومامتك عشان هيشتمك بيهم بعد الجواز.
كله بيبان قبل الجواز.. محدش بيتصدم.. اسألو كل اللي دخلو محاكم الأسرة هيقولولكو كل حاجة كانت واضحة زي الشمس. وحتي اللي مابيبقاش واضح، بتبقي له علامات.. بس احنا اللي بنغلوش علي صوت العقل.. وبنطنش مشاعرنا وبنضحك علي روحنا ونقول بكره نغيره..محدش بيغير حد واللي يقول عارف كل ده بس بحبه…لاااا ده مش حب . أي علاقة انت شايف انها مؤذية ليك وانت مكمل فيها مش حب. وهتفوق في يوم وتعرف إنه ماكنش حب بس بعد ماتنضج وتخف..
كل واحد راضي يبقي في علاقة مؤذية محتاج يخف.
وفترة الخطوبة اتعملت بالأساس عشان نختبر بعض ونكتشف عيوب بعض ونشوف هنقدر عليها ولا لأ، مش عشان نحب في بعض ونغمض عيوننا
لما تختاري.
اختاري الي يجبر بخاطر قلبك