بقلم ا.د فتحي الشرقاوي
تصرفاته كلها اوفر سواء في اسلوب كلامه أو ارتدائه للملابسه الغريبة او حركاته الملفته او ايمائاته وتعبيرت صوته ( الفون والتون) ازاي تعرف هذه الشخصية الهستيرية Hpd
ا. لما يدخل في اي علاقة عاطفية مبيقدرش يستمر فيها للاخر ،وطبعا مابيجيبش اللوم على نفسه ويبرر فشله دائما بأسباب بعيدة عنه،
٢ لا يستطيع الحفاظ على صداقتة مع غيره لفترات طويلة
٣ يأفور مشاعرة بشكل مبالغ فيه ويحسسك أنه يعرفك من سنين مع إنك لسه بتتعرف عليه وبناء عليه بيشيل التكليف مع الاخرين وتلقائي لدرجه توترك وتخليك مندهش من ردود افعاله
٤ اهم حاجه عنده إن صورته تكون جميلة ومبهرة وجذابه من وجهة نظر كل الناس اللي يعرفوه واللي مايعرفهوش
،علشان كده بيموت في تزويق الكلام المعسول الجميل،ياريت ماتاخدش كلامه بمحمل الجد
صدقني هتندم😀 وزي الستات مابتحب بالضبط تزويق شكلها بالميكيب هو من الاخر كده ممكن يكون شخصية منسونه حبتين..😀🤣
٥ ايمائاته وتعبيرات وشه وصوته تتسم بالمبالغة وجذب انتباه الناس اليه وده بيخليه يسرق انتباههم وتزييف وعيهم وبيضحك عليهم بجاذبيته، في بنات كتير بتتخدع من اسلوبه ده وتتدبس فيه
٦ سطحي جدا في مشاعره وتعاطفه الحقيقي مع غيره،
ناجح جدا في اعطائك انطباع انه معاك وواقف وراك وهو أبعد الناس عنك.
٧ معندوش صبر وده بيخلي تصرفاته عشوائية وتلقائية،
زي سلوك الأولاد والعيال الصغار من حيث الاندفاع والفجاجه والتفاهه في التعبير والابتذال في الكلام احيانا
٨ في الموقف الضاغطه مبيعرفش يتصرف ويرتبك لأن اللي بيحكمه مشاعره مش دماغه
٩ اول مايحس إن حد ينتقده او يقلل من شانه اويرفضه حتى لو بدرجة طفيفه تكون استجابته الانفعاليه مبالغ فيها من حيث احساسه بالانهيار والانكسارلأن صورته في عينيهم أهم من حياته بالمعنى الحرفي للكلمة
١٠ تلقائي في تعبيراته وده ممكن يسببله مشكلات كتير لأنه ممكن يعبرعن مشاعر لاخرين ليس من حقة التعبير
لهم مثل الايحاءات الجنسيةالتي لا يستطيع السيطرةعلى التعبير عنها مما يعرضه للتسخيف
١١ يخاف لدرجة الرعب ان مظهره وشكله واناقته وجاذبيته لا تكن على الدرجة اللي ترضيه،لذلك تلاقيه بيهتم اوفر بكل مايرتبط بمظهرة من ملابس واكسسوارات ملفته للنظر
١١ ملول ملل التنين 😀
مابيعرفش يتهد ويقعد..
على طول متحرك وده بيخليه يفشل في الوظائف اللي تتطلب الروتين، وقد ينجح جدا في الوظائف اللي فيها حركه وسفر وانطلاق خارج المكاتب
١٢ ماتشتكيش ليه اي مشكله نفسية مضايقاك لأنه مابيعرفش يتعاطف مع حد هو ممكن يسمعك كويس ويحسسك إنك قاعد في قلبه من جوه لكن في الحقيقة هو لا فاهمك ولا متعاطف معاك ولا يساعدك في ازمتك ، ربنا يكون في عون اللي بيتعاملوا معاه. لأنه ظاهرة صوتية تحب المظهر ولا تنجز اي حاجه ( بؤق كبير) big mouth….big mouth
😁😆🤣😀🙂
مجردخاطره
ا.د.فتحي الشرقاوي
أستاذ علم النفس
جامعة عين شمس
