بقلم خالد محجوب
*سلوكيات من زمن فات*
– أسمها “حضرتك” مش “أنت”
– أسمها “نعم” مش “إيه”
– وطي صوتك
– ماتحطش رجل على رجل قدام حد كبير
– ماتبقاش قاعد وسايب حد كبير واقف
– أقف بعيد عن الباب
– متتصلش بحد متأخر
– أقعد على الكرسي اللي مش كاشف البيت
– ماتزعلش حد في بيتك
– خبط على الباب قبل ما تفتحه
– كل من ناحيتك وأبعد الطبق عنك شويه
– قوم أول واحد من على الأكل لو معزوم
– استنى كلهم يقوموا لو أنت اللي عازم
– متزورش حد فجأة
– تدخل بيت حد تبقى أعمى وتطلع منه أخرس
– في بيت غريب ماتقومش من مكانك غير لما حد يقولك
– أقفلي رجلك وأنت قاعده
– أفرد ضهرك وانت قاعد
– أنزل مع أختك خدي بالك من أخوكي
– سيب التليفزيون ده يا تنام يا تذاكر
– تعال رايحين نعيد على قرايبنا
– روح ودي دي لجارتنا وقولها ماما بتسلم عليكي
– شيل من عمو الأكياس دي
– قوم خلي طنط تقعد
– ماتطلعش ورا بنت السلم يا تطلع قدامها يا تستنى شويه و تطلع
– لو حد طالع وراكي أقفي في كورنر السلم عديه و بعدين أطلعي
– أنت مش أحسن من حد ولا حد أحسن منك
– ماتقارنش نفسك بحد
– قول شكراً قول آسف اللي يعتذر الأول هو الأقوى
– ما تشدش حاجه من إيد حد
– ماتسبقش حد كبير وأنت ماشي
– أفتح الباب للكبير وللبنت
– باب مقفول تخبط حتى لو عارف إن مافيش حد
– قول الحق ولو على رقبتك
– لبس النادي ده مينفعش تخرج بيه
– لبس البيت غير لبس النوم
– عيب دا أكبر منك
– دا حرام ويغضب ربنا
– بطل دوشة الناس نايمة
– متخليهمش يدفعوا .. أدفع انت
– مترميش حاجه في الشارع
– نضف مكان مبهدلت
– متجيش ناحيتها دي أمانة
الناس المحترمين ولاد الأصول زمان كانوا بيربوا أولادهم كده ولو عايزين خير و بركة زمان ترجع لازم نربي أولادنا كده