نزار عبدالقادر يكتب .. مالكم كيف تحكمون .. محادثات سويسرا (1)

ج: شوفي يا حبوبتي، أنا حأحكي ليكي قصة سويسرا دي من بدايتها عشان تكوني في الصورة ومافي معلومة تفوتك.

يوم 23 يوليو الفات، أنتوني بلينكن وزير الخارجية الأمريكي رسل دعوة لناس الجيش وللدعم السريع قال ليهم تعالوا نتقابل ونقعد مع بعض يوم 14 أغسطس في سويسرا، وحيكونوا معانا مراقبين من الأمم المتحدة والإتحاد الأفريقي، ومصر والإمارات.

ج: وقف إطلاق النار، وتمكين وصول المساعدات الإنسانية عبر الحدود وعبر خطوط التماس، وتطوير آلية قوية للرصد والتحقق لضمان تنفيذ أي اتفاق مستقبلي.

ج: بلينكن قال في سويسرا ما حنتكلم في قضايا سياسية.

ج: أيوة، بعد أقل من 24 ساعة حميدتي كتب في حسابه بمنصة “إكس” “أرحب بالدعوة التي أعلنها السيد أنتوني بلينكن، وزير الخارجية الأميركي، وأُعلن مشاركتنا في محادثات وقف إطلاق النار القادمة في 14 أغسطس 2024 في سويسرا. إنني أقدر الجهود التي تبذلها الولايات المتحدة والمملكة العربية السعودية وسويسرا في تنظيم هذه المداولات المهمة”.

ج: يوم الثلاثاء 30 يوليو، وزارة الخارجية السودانية طلعت بيان بخصوص الدعوة الأمريكية دي ” قالوا فيهو نحنا الطرف الأكثر اهتمام بحفظ أرواح وكرامة الشعب السوداني، وعشان كده حنتعاون مع أي جهة حتوصلنا للهدف ده. بس عشان نجي لسويسرا عندنا شروط وسؤالين للأمريكان لو لبوا شروطنا وجاوبوا لينا على السؤالين حنجي لسويسرا.

ج: أول شرط، إنو الأمريكان من الليلة ولقدام يخاطبوا البرهان بصفته رئيس لمجلس السيادة مش بس قائد للقوات المسلحة،

ج: أيوة يا حبوبتي، واشنطن من انقلاب 25 أكتوبر 2021 بتتعامل مع الفريق عبد الفتاح البرهان باعتباره قائد للجيش بس مش كرئيس لمجلس السيادة.

ج: تاني شرط محادثات سويسرا تكون مع وفد يمثل الحكومة والحركات المسلحة المؤيدة للجيش والحركات المسلحة الموقعة على اتفاق جوبا مش بس القوات المسلحة.

وتالت شرط، الإمارات ما تشارك في المحادثات،

ورابع شرط قوات الدعم السريع تفك الحصار المفروض على الفاشر، وخامس شرط قوات الدعم السريع تسمح بمرور المساعدات لنازحي معسكر زمزم، وآخر شرط المحادثات تتم في جدة و “منبر جدة” يكون هو المنبر الأساسي بخصوص الأزمة السودانية وتنفيذ “إعلان جدة” الموقع يوم 11 مايو 2023م لحماية المدنيين وتوصيل المساعدات الإنسانية قبل الذهاب لسويسرا.

ج: السؤال الأول: لييه حددتوا تاريخ 14 أغسطس، وإنتو عارفين انه اليوم ده مصادف العيد ال70 للقوات المسلحة السودانية؟

والسؤال الثاني: شايفين كيف مستقبل قوات الدعم السريع؟

ج: بعد كم يوم، ناس البرهان قالوا للأمريكان نحنا عاوزين نقعد معاكم في جدة قبل سويسرا، عشان نعرف رأيكم في الشروط، ونسمع إجاباتكم على السؤالين وكمان عاوزين نعرف جدول الأعمال بتاع محادثات سويسرا؟.

ج:أيوة المبعوث الأمريكي سافر لجدة، ويوم الجمعة 9 أغسطس، البرهان رسل وفد من الحكومة لجدة برئاسة محمد بشير أبو نمو (وزير المعادن وولد عم منى أركو مناوى رئيس حركة تحرير السودان) عشان يقعدوا مع المبعوث الخاص.

ج: توم بيريلليو، قال ليهم أوعدكم من الليلة حنخاطب البرهان برئيس مجلس السيادة، وقال ليهم الدعوة وجهناها للقوات المسلحة السودانية مش للحكومة، و محادثات سويسرا حتناقش قضايا فنية متعلقة بوقف إطلاق النار وتسهيل وصول المساعدات الإنسانية وحماية المدنيين، وماحناقش في المرحلة دي قضايا سياسية عشان يكونوا فيها مدنيين. وسويسرا ما بديل لمنبر جدة بل مواصلة للمنبر، وبخصوص عدم مشاركة الإمارات في المحادثات بصفة مراقب طلبكم ده مرفوض.

ج: أيوة

ج: أيوة يا حبوبتي، مش وافقت وبس، كل الصرف بتاع محادثات سويسرا المستمرة دى من السعودية

ج: بالظبط كده يا حبوبتي

ج: أبدا، أبونمو صرح يوم الأحد 11 أغسطس، قال ما وصلنا لإتفاق مع المبعوث الأمريكي وأنا بوصي البرهان ما يشارك في محادثات سويسرا.

ج: قال ليهم محادثات سويسرا قائمة قائمة، جو ناس الجيش وله ما جوا، وركب طيارته وسافر من جدة مباشرة لجنيف.

بكرة نواصل ونشوف المحادثات ومشاركة الإمارات والسيناريوهات المتوقعة.

سويسرا 19 أغسطس 2024