كتب جودة عبد الصادق إبراهيم
دي صورة من المتحف المصري في التحرير، والاخ اللي بيتوسط الصورة ده مش واحد عادي كدة لأ، دا البروفيسور الامريكي “كابا هيثاوا كاميني” كاتب من الكتاب الاكثر مبيعا، ومشهور انه عمل افلام وثائقية ناجحة جدا اللي مهتمة بثقافة الافرو في امريكا، صوته مسموع يعني وطلع مع سنوب دوج قبل كدة، ويعتبر واحد من اشهر مطوري التعليم في افريقيا كلها.
مين كابا وبيعمل ايه؟ كابا هو أحد المتخصصين في التاريخ وبقاله 3 سنوات بيشرح في التاريخ والآثار والحضارة ولكن خارج مصر لغاية ما اتشهر وباه له أرضية وباه بيعمل محاضرات بأنحاء العالم وهو مناصر لحملات الأفروسنتريك وبيقول ان مصر مش للمصريين وان الجين الافريقي انتهى من مصر والمنسق لكابا واحد اسمه أوميجا دا الممول له كلام كابا دا خطير جدًا
بيطور التعليم ازاي؟
بيلف مدارس امريكا ثم افريقيا كلها عشان يطورلهم المنهج التاريخي ويحط فيه ويشيل منه، وده طبيعي لانه واخد ماجستير في تاريخ العالم من جامعة هانتر، وماجستير في الادارة التربوية من جامعة نيويورك، يعني عارف هوا بيعمل ايه كويس ..
عارف بقا بيحط ايه ويشيل ايه في مادة التاريخ اللي بتتدرس في افريقيا كلها؟ انهم هما اصل الحضارة وهما بناة الاهرامات وكل الهري اللي بيهريه اصحاب نظرية الافروسنتريك او المركزية الافريقية، الراجل ده رئيس تنفيذي لاكاديمية مشهورة جدا في امريكا اسمها بيت الحياة او Per Ankh اللي قايمة عشان تنشر افكارهم دي انهم اصحاب الحضارة والبلد.
الراجل ده دخل البلد مع مجموعة من الطلبة بتوعه اللي موشمين مفاتيح الحياة على اساس انهم كدة نسل المصريين القدماء،
ودخل بيهم المتحف المصري ازاي ده دخل بقى وازاي بيعمل كده !!! ودرسلهم هناك من قلب القاهرة وكان معاه مرشد مصرى وبعد ما المرشد خلص الشرح والاتنين المرشدين المصريين اللي نزلوا مع المجموعة دي وكانوا كوبري عشان كابا دا يتكلم لازم يتم الاستفسار عنهم وعن موقفهم، واداهم فرى تايم للتصوير قام الأخ دا بالشرح لطلابه في الفري تايم وقالهم اننا اصحاب الحضارة والاهرامات واننا كمصريين سارقين البلد منهم ومعرفش ايه، وعمل كدة من قلب القاهرة، من قلب المتحف المصري
وشرح ما يريد شرحه من مفهومه ووجهة نظره الخاطئة وكابا عشان يقدر يشرح لازم يدخل المجموعة بمرشد
اسمه مرشد سايلنت “صامت” ودا عشان ياخد شرعية قانونية والمتحف ميقدرش يقوله انت بتعمل ايه ولا كمان شرطة السياحة
اوميجا عارف انه لو مشي بالعدد دا هيتعمله محضر فهو فاهم قانون بيعمل اخطر برنامج سياحي كامل وبيكون معاه مرشد بترخيص ومعاه سماعات بترخيص شركة سياحة يعني كل حاجة معاه رسمي وطبعًا اوميجا دا بيجيب كابا “بتاع الأفروسنتريك” وهو اللي يشرح ويقول أي كلام عايز يقوله باه
اختراق محكم ودقيق وبقاله سنين شغال كابا شخصية خطيرة جدًا، وافكاره مسمومة الكارثة في تاريخنا اللي بيتم تشويهه
أعتقد الموضوع كدة خرج برة نطاق ناس مش بس بتسوق لفكرة ان اصل المصريين و الحضارة الأعظم في تاريخ البشرية هو الأفروسنتريك، لا الموضوع وصل لمرحلة الايمان التام و نشر ثقافة الأفروسننتريك، لا الموضوع وصل لمجموعة تصل لأرضك و تزور متاحفك في بلدك مصر و تصرح لهم بل و يقودهم أحد أبرز المؤسسين للمجموعة الداعمة للأفروسننتريك بأن اصل المصريين القدماء و الملوك هم ليسوا المصريين بل هم!!!!
هذا ما دفعنا للبحث أكثر و هذه الصور من الأكاونت الرسمي ل كما يدعى ” بروفسسور كابا” و هو مؤسس لجماعة كبيرة تدعى كيميت فاميلي او عائلة كيميت و كيميت كما معلوم هي مصر!!!!…
ما وجدته هو تعدي صارخ على اصول الحضارة المصرية القديمة و قد وصل التحريف لتغيير الصفة الجينية للتمثايل الخاصة بالملوك و الملكات و الأبرز هو تغيير رموز الحضارة المصرية القديمة ( عين حورس و تاج خبرش الممثل للحرب) الى رموز خالصة تمثل الافروسنتريك.
السؤال الذى يطرح نفسه من سمح لهذه المجموعة بالتواجد على أرض مصر في المتاحف المصرية بل الارشاد و قيادة جولة تفصيلية للترويج عن تزييف التاريخ؟!!!!
ما نراه يحتاج تدخل واضح و عملي من المسؤولين، نحن نتحدث عن أعظم حضارة و تاريخك المصري يتم الآن وعلى الملأ العبث به بشتى الطرق!!
لقد حاولوا تكرار التجربة بالأقصر بعد المتحف المصرى بالتحرير إلا أن الجهات الأمنية بالأقصر تنبهت إلى هذا
وتم القبض على فاعلها من قبل هذه الجهات الأمنيه العليا بالاقصر اليوم ووزارة السياحه مقلوبه
