بقلم ا.د فتحي الشرقاوي
اللي يشتري اللي ملوش لازمه ،هيجي يوم ويبيع اللي ليه لازمه،مثل شعبي غاية في العمق والدلالة،في ناس كتير في حياتنا عاملين زي الأرض البور، قدرناهم واخترناهم و كنا نعتقد أن ليهم لازمه ومكانه في حياتنا، اشترناهم بالغالي وبعنا الدنيا علشانهم وبعد فترة أثبتت المواقف،أنهم لم يكونوا على مستوى توقعنا فيهم، طلعوا فالصوا فشوش وخذلوناوخيبوا آمالنا فيهم ،إما لأنهم كانوا غير مناسبين لنا أو لأنهم أصبحوا عبأ علينا،أو لأنهم لم يعدوا صالحين لنا أو لأننا اتخدعنا فيهم، ساعتها بس بنكتشف أننا أشترينا اللي ملوش لازمه وبعنا اللي كان ليه لازمة،لكن بعد إيه،بعد فوات الآوان علشان كده ياريت تفكر كويس في المرات الجايه قبل ماتشتري حد،لأن البيع هيكون غالي جدا عليك ،لأنك ممكن تبيع معاه كرامتك وعزة نفسك بل أنت كلك لا تنخدع ببريق احدهم فليس كل ما يبرق ويلمع ذهبا…
دمتم في أمان الله وحفظه
ا.د فتحي الشرقاوي
أستاذ علم النفس بجامعة عين شمس
