بقلم ا.دفتحي الشرقاوي
اوعى تصدق إن فلان أو فلانه بقوا وحشين معاك بعد ما كانوا كويسين قبل كده، وتنتابك الحيرة وتفضل تعصر في دماغك وتقول ليه يارب كده،وكأن الموقف مفاجأه لك أنا اهمس في ودنك واقولك، ياريت تفووق وتريح دماغك من التفكير،الناس دي عمرهم ما كانوا كويسين،بل بالعكس من يومهم وهم ناقصين واندال معاك من ساعة معرفتهم، كل ما في الموضوع إنهم كانوا ممثلين بارعين،
وتعبوا من التمثيل،وأنت بنواياك الطيبه مش عاوز أقول بسذاجتك بقلبك الأبيض وطيبتك الجميلة صدقتهم وتوهمت انهم أحبابك
او اوههموك انهم حبايبك
ولما تعبوا من التمثيل والتزييف، وتهاوت الأقنعة والماسكات وسقطت من على وشوشهم،ابتديت تشوفهم على حقيقتهم، وفي تفسير تاني غير انهم كانوا ممثلين احنا اللي كنا مغيبين،مكوناش عاوزين نشوفهم وحشين
اهو التانية دي هى سبب كل مصايبنا وبلاوينا
مش مهم يضحك عليك…لكن المهم تعيش وماتخدش غيرها
#مجرد _خاطرة
ا د فتحي الشرقاوي
أستاذ علم النفس بجامعة عين شمس
أ.د فتحي الشرقاوي
