زيزي غريب تكتب .. حكاية كفاح الحاج “قدورة” تاريخ في عالم الأسماك

كتبت زيزي غريب

اليوم سوف أحكي لكم السيرة الذاتية الرائعة للحاج “قدوره” -رحمة الله عليه- ابن “مدينة رشيد” تاريخ عالم الاسماك ورجل الأعمال الكبير الحاج “قدورة” سر نجاح “أسماك قدورة” وقصص البداية الصعبة والتحديات والمعوقات ثم النجاح الباهر والسمعة العظيمة التي بناها الحاج “قدورة” تاريخ عالم الاسماك ليصبح إحدى النماذج الناجحة في مجال تاريخ عالم الاسماك والمال والأعمال .

الحاج قدوره ابن مدينة رشيد اسمه عبد القادر محمد سيد احمد والشهره قدوره مناره الإسكندرية ده تاريخ عالم الاسماك اسمحوا لي في هذا المقال اتحدث عن شخصية مشهور في مصر عايش في قلبنا صاحب فضل كبير بعد الله عليا عشرته وتعاملت معه .

مدرسه في الاقتصاد والسياسة والإعلام دكتوراه في الحياه بدون اي شهادات تحيه واحترام وتجليل لك ايها الرجل العظيم .

مبن فينا يااسكندرانية مايعرفش اسماك قدوره قصة كفاح رجل عصامي بدأ من تحت الصفر ليصنع لنفسه صرح واسم وبراند من أكبر براندات الاكل في مصر ولا يخفي علي أحد اسم عظيم لرجل أعظم رحمة الله تعالى عليه وعلي الصعيد الاجتماعي انا تعاملت معه شخصيا واد ايه كان انسان بسيط متواضع يملك من الحكمه الكثير رغم أنه غير متعلم ولكن ادار هذا الكيان بحكمه واحتراف يفوق كل الشهادات .

أسماك قدوره رحلة بدأت من قبل الخمسينات واتحول الحاج قدورة من صياد بسيط وعلي أد حاله لصاحب واحدة من أشهر وأكبر سلاسل مطاعم الأسماك في مصر والوطن العربي .

وابتدأها الحاج قدورة بمحل بسيط في منطقة بحري الانفوشي في إسكندرية اسماك قدوره المنشيه اسماك قدورة المنتزه, اسماك قدورة المهندسين, اسماك قدوره الشيخ زايد امريكانا بلازا .

الحاج قدورة صاحب اكبر سلسله مطاعم قدوره في مصر والوطن العربي ومن اشهر الصيادين في اسكندريه في زماان الحاج قدروه كان بيشتغل صياد في ميناء اسكندريه وكان دايما بيبيع رزقه لمعلمين الأسماك في حلقه الانفوشي . فكر انه يعمل مطعم أسماك وبدل مايبعت رزق مركبه الي معلمين الأسماك يبقي الرزق يروح المطعم ..

وافتتح اول مطعم في الانفوشي وشغل عمال فيه وهو ينزل البحر والرزق اللي يجي يبعته للمطعم لحد ماربنا فتح عليه والمطعم اشتغل كويس وبقي ليه شهره كبيره وبقي جميع المشاهير بتنزل تاكل عنده وفكر يفتتح فروع اخري في اسكندريه .

لحد الان اكتر من ٨ فروع في اسكندريه وبعد كده أولاده كملوا بعديه نجاحه واسمه حبوا يوسعوا نطاق فروعه خارج اسكندريه وافتتح فروع اخري في اشهر اماكن القاهره والجيزه لا ومش بس كده افتتحوا فروع في الدول العربيه ..

احب اقول كلمه اخيره عند هذا الرجل العظيم الحاج قدوره سألته يوم معاك ايه شهادات. قالي انا الكليه اللي مدخلهاش متعلمش اللي ما شفش الحاج قدور ولا عاشره متعلمش حاجه في الحياة كان مدرسه في كل شي .

انا من الناس اللي اتشرفت بمعرفته وكان لي اب ومثل اعلي وكل من تعامل معه يعرف معني كلامي ربنا يرحمه ويغفر له ويسكنه فسيح جناته .