حديث الروح

كتبت زيزي غريب

حوار مع النفس ✋
مش راضي عن نفسك صح نفسك تتغير بس مش قادر سراع مع نفسك بين الحق والباطل
مد وجزر داخلي الحلال والحرام السعاده والحزن

حق نفسك عليك إنك تهتم بيها وتطبطب عليها زي ما بتعمل مع الناس اللي حوليك

وده لا ينقص منك في شئ ولا يحطك في خانة الأناني أو اللي بيحب نفسه ولكن يحطك في خانة المعتد بنفسه ويعطيها حقها وقدرها

وافتكر إنك المسئول الوحيد عن حالتك النفسية والجسدية والعقلية والمزاجية

ومحدش هييجي يخرجك من اللي إنت فيه غير نفسك فمتحملش حد مسئولية مش بتاعته وفي نفس الوقت متهملش نفسك ولا تقلل منها

حوار مع النفس بطريقه مستمره وبشكل يومي وتقول انا مش راضي عن نفسي لازم أغير ولازم أبدأ ولازم..ولازم؟

وتقول بكرة هنفذ الكلام ده ضروري ويجي بكره ويعدي وبعده ويعدي وهكذا تلاقي نفسك عدي منك عمر مش أيام ليه؟
علشان عمال تأجل لبكره بس بكره عمري ما هيجي عارف ليه؟
علشان لو انت عاوز هتنفذ علي طول لازم نطور نفسنا ممكن تستغل وقت فراغك حتي ولو ساعه حاجه من غير تكلفه إقرأ كتاب .أتعلم لغه .

أتعلم حرفه، ولكن المهم إنك تعرف انت عاوز ايه محتاج إيه كده عرفت نص الطريق الباقي نفذه دون تردد. الغي الروتين جدد من طاقتك، طور من ذاتك ، لازم تعرف إدارة الوقت إزاي وتنظيمه بشكل صحيح ، خلي عندك ثقه في ربنا ثم ثقه في نفسك .

أبدأ اتحدي نفسك، ثقف نفسك وحدد جدول ليك إبداء ب اسبوع وتقرر إذا كنت هتكمل ولا لا، تجنب الناس السلبيه في حياتك وقرب من الناس الناجحة هتلاقي الفرق كبير جدا، اعترف بعيوبك واشتغل عليها، اتغلب علي مخاوف وانتصر عليها وفكر في الأشياء الإيجابية هتلاقي نفسك رجعت ليك من تاني.

التغيير مش صعب ؟

تعالي أقولك علي حاجات هتساعدك جداً

_ طبيعي جدا إن حاجة بقالي سنين بعملها هيبقى صعب
إني أغيرها على طول ..

بس سهل إني أعملها خطة تغيير وتحويلها إلى عادة ثم إلى طريقة حياة أحفظها وأعملها بسهولة من غير تفكير

فعلينا إننا نتقبل إننا ممكن نحتاج شوية وقت للتغيير ونشتغل على نفسنا

_ تبديل عادة واحدة سيئة بغيرها ٣ عادات حسنة تساعدني على التغيير

– إِنَّ اللَّـهَ لا يُغَيِّرُ ما بِقَومٍ حَتّى يُغَيِّروا ما بِأَنفُسِهِم

_ الصحبة الصالحة ودي من أهم الحاجات اللي بتساعد جداً على التغيير

لازم ادور على الصحبة اللي بتعين واللي شبه الحاجة اللي عايز أوصلها

_ حسن الظن بالله والتقرب إلى الله والإستعانة به على التغيير والرجوع إليه

خليكي واثقة إن الله (إذا كلف أعان) بس هي مسألة وقت مش أكتر فاثبتي وافضلي حاولي عشان أكيد هتوصلي

_ أقولكم على السر؟

النية .. أيوة النية ..
خدي نيه ونوايا متعددة كمان مش نية واحدة
ولو معرفتش أتغير أجدد النية وأحاول تاني
ولو متغيرتش أرجع تاني أجدد النية

النية عليها نأجر حتى لو موصلناش للهدف اللي عايزينه دلوقتي أتأكدي إن بس بتجديد النية والمحاولات المستمرة أكيد هتوصلي

إنما الأعمال بالنيات ولكل إمرء ما نوى

_ وأخيراً بأه الدعاء ثم الدعاء ثم الدعاء

الدعاء قادر على تغيير مجريات الأمور