العلم ابداع وفهم وليس حفظ?

كتبت زيزي غريب

العلم ابداع وفهم وليس حفظ?
تعالوا هنا نتكلم عن تربية وتعليم اولادنا والهدف من النظام الحالي.?????????

الهدف من نظام التعليم الحالي أو كما يقولون النظام الجديد .
بين التعليم والخبرات
هو هدفه الأساسي اخراج جيل فاهم وله خبرات ومبدع في الشغل والحياة ونحن نريد اخراج جيل حافظ معه شهاده تتبروز
ونتبها حتي لو فاشل.

الشطارة في التعليم والا الخبرة.
الشاطر دراسيا هو الشاطر في الحياة والعملية طيب أهلنا زمان معظمهم كانو معظمهم غير متعلمين ولكن علموا أولادهم كل شئ صح ومنهم طلع دكتور ومهندس وصناعي ماهر .
الخبرات العملية والتجارب الحياتية يتعلمها كتير لكن التعليم يجدد المعارف.

يعني انتي بتقولي لنا منعلمش اولادنا في مدارس لا طبعا أنا مش بقول كده.
انا بقول أن التعليم لمعرفة القراءة والكتابة شئ مهم جدا .
لكن مش بتعلم علشان امتحن لا اتعلم علشان اعيش صح يعني علمي أولادك اذاي يفكروا .
ازاي اكون انسان نافع اعرف اكون متميز في . حتي لو مهنة حرفة اذاي اكون مبدع ده مش علشان امتحن ده علشان اكون انسان نافع لنفسي والمجتمع .
الام الريفية علمت أولادها وخرجت لنا علماء وعباقرة وناس بنتعلم منهم حتي الآن.

الشيخ الشعراوي رحمه الله عليه.
كان من ام ريفية واب مزارع ولكن من الخيرات والتدين خرجت لنا الشيخ الجليل.
وكذالك معظم العلماء والمشايخ والداكترا والمهندسين والمخترعين. كانو من أسر بسيطة ولكن ابدعت في تربية وتعليم صح مش حشو مخ وحفظ وغش علشان امتحن

كلنا معترضين علي نظام الحالي للتعليم وبندين .
الوزارة ونتهمها بإفساد التعليم وضياع الأجيال. تفتكروا ده صح .
انا عارفة طبعا أن كلامي ده ناس كتير تعترض علية
لكن للاسف الشديد أن الأهل هم سبب الضياع . كل واحد عايز يريح دماغية عايز شهاده تتبروز علي الحيط. وكل اهل عايزين يتباهون ب أولادهم بمجرد مسميات مش إنجاز .
لكن شوفتي ابنك او بنتك محترفة في اية هوايتهم أية طيب بيفكروا اذاي

ايوه هو ده التعليم الحالي ✋
الوزارة بتقول انا مش عايزك حافظ انا عايزك فاهم .
يعني علموا أولادكم يفهموا .
حتي لو طلع حرفي مهار ومبدع مش اشتغل بشهادة لا يعرف عنها شي غير الشكل الجتماعي

زمان الكل كان بيشتكي من أن التعليم كان عبارة عن تلقين و حفظ ، و دلوقتي لما بقى في مناهج قائمة على تنمية المهارات و زيادة التركيز و الإنتقاء ، بقوا ضدها لأنهم للأسف كسلانين يعلموا ولادهم ، أو هم متعملوش كويس فمش فاهمين ، أو مدرسين مش قادرين يطوروا من انفسهم عشان يفهموا أو يقدروا يوصلوا المعلومة للأطفال ، فيطلعوا إشاعات أو ينشروا حاجات غبية عن التعليم أصل لو محاسبة و دماغها لفت من مسألة جات لطفلة يبقى محتاجة ترجع تتعلم من رابعه ابتدائي تاني والا مهندس وبيبني العاصمة الإدارية ومش عارف الهدف من بناء العاصمة الإدارية محتاج يرجع رابعة ابتدائى والدكتور اللي خطأ يزهق روح انسان محتاج يرجع رابعة ابتدائى..

فهمتم نظام التعليم الجديد بيتكلم عن أية بتكلم أن الإبداع والفهم والتفكير لا علي الحشو والحفظ بطلو كسل وتكبير دماغ علموا وربوا صح والا نجيب لكم امهات الريف نعلمكم اذاي تربوا اجيال محترمة زمان .✋

زمان أوى اتربينا أن الشاطر فى المدرسة شاطر فى كل حاجة شاطر مش حافظ. يعني كانت الأم أو الأب يعلمنا اذي نفهم ونتقن الشئ مش في الدراسة فقط.
لأنهم كانوا يعلمونا بخبراتهم لا بعلمهم.

و الطالب المتفوق ده بيبقى فخر العائلة?
و لكن هل كل التفوق واحد كل الناس عندها قدرة متساوية على التعلم و التلقى بأسلوب معين ؟

لما كبرنا عرفنا أن الحياة أكبر بكتير من المدرسة و الجامعة و المشاكل الصغيرة بتاعتنا. و الشاطر فى المدرسة مش ضرورى يكون شاطر فى الحياة

جزء كبير من التعلم بيكون بالممارسة أصلا و ده بيحصل بشكل طبيعى فى حياتنا اليومية من غير قصد و ترتيب

فبالتالى ممكن حاجة تكونى متقناها جدا و غيرك ميعرفش يعملها خالص و العكس صحيح

و ده عشان كل واحد ليه تجارب و خبرات و ظروف مختلفة

و زى ما التجارب دى بتكون أوقات جميلة , أوقات تانية بتكون صعبة و غير مرغوب فيها

لكن لو فكرتى أن كل لحظة بتمر عليكى هتتعلمى منها و تكتسبى خبرة و تحسنى من نفسك بطريقة ما ,
كل شىء فعلا هيكون هين
طب أنا هستفيد ايه من الخبرات دى ,
حتى لو هعرف اعمل حاجات معينة ميعرفش يعملها غيرى ؟

سبحان الله
كل ميسر لما خلق له

أكيد لما ربنا عز و جل أراد أنه يعلمك شىء معين أو يحطك فى اختبار ما , ده له حكمة لا نعلمها

فكرى أن حياتك دى عبارة عن رحلة
لها وقت بداية و نهاية

و كل ما تستغلى وقت الرحلة فى رضا الله كل ما تطلعى كسبانة
غير كده هتسيبى المشاعر السلبية تتمكن منك و الشيطان ما هيصدق يعيشك فى حزن و هم

لأن الحياة لا تخلو من المشاكل والتعليم
كده أو كده بتحصل حاجات مش على هوانا
فبدل ما نضيع أكتر من نصف عمرنا فى البكاء و التأفف ,
نستعن بالله و نحتسب و نفتح عيوننا على تجارب تعليمية جديدة و نعلم ولادنا يكونوا كده
يكونو مبدعين ويبحث وعن ما يختبئ داخلهم من مهارات
ان لما يمسك كتاب دراسي يفهم ما المقصد من المعلومة
مش حفظ المعلومة..

طب و ليه كل ده ؟
ما أعيش براحتى , مش لازم كل حاجة تعليم و اقتناص فرص
أنا عايزة أريح دماغى ?

لا مانع من أوقات الراحة و الترفية بس لازم تعرفى الهدف من حياتك و أهمية كل دقيقة فى عمرك و مسئولية تربية أطفال مسلمين لله

و ساعتها هتعرفى أن كل قدر هو اختبار لازم ننجح فيه و كل وقت لازم نرى الله مننا كل ما هو جميل

يعنى الحاجة البسيطة كانت بتاخد منك ساعة أصبحت تاخد نصف ساعة بعد تكرار و الخبره و كمان بقى ليها نتيجة أحسن

الوقت ده لو استغلتية في انك تجلسي مع أطفالك وتتحوري معاهم في أمر من الأمور الحياتية . وتعلميهم من خبراتك وتفهمي دماغهم انتي هتستفيدي القرب من أولادك وهما يستفيدون من خبراتك

يبقى الوقت ده استفدتى بيه و الخبرة الى ربنا ادهالك فى الحياة كانت لمصلحتك فعلا مهما كانت بسيطة عليكى دلوقتى , افتكرى أول مرة

و أن الله هو الى علمك و رزقك الفهم
و ده ظننا فى الله.