أسباب الطلاق بين الزوجين الذي يدفع ثمنه الأبناء?

كتبت زيزي غريب

✍️ انفصال الزوجين ،☺️
مخلفات ما بعد الطلاق اثار ما بعد عناد زوج وزوجه لو كل واحد فكر بس شوية قبل الفراق طيب في حالات فردية فعلا تستحق الطلاق لكن انت كزوج انفصلت عن زوجتك وتركت لها أولادك تكفل بهم كن لهم اب ويفتخروا بيك …
حتي بعد انفصالك عن امهم لأن لا ذنب للأبناء من ما فعل الآباء..
تعالو نحكي شوية مع بعض من غير زعل ???

لما البيت يتخرب : صاحبك اللي شجعك علي خرابه ? هتلاقيه عايش حياته في حضن اولادة وانت اللي بقيت وحيد ..

والدتك اللي قالتلك ارميها وربيها واتجوز غيرها. ? مش هتقدر تخدم وتشيل أولادك ذي امهم !!

اختك اللي قالتلك زوجتك سيئة ومتنفعكش ? هتلاقيها عايشه حياتها وسط ولادها وانت أولادك اتيتموا وانت موجود !!

خراب البيوت مش بالساهل ..
اوعي تسمع لاي حد حواليك بيحرضك علي بيتك .. الكل في النهاية هيكمل حياته وانت حياتك اللي هتقف وهتخسر بيت واستقرار وزوجة واولاد وسنين طويلة فاتت وعشرة جميلة هانت !! ماتستسهلش الطلاق لان تمنه غاااالي قووي

اللهم أصلح ذات البين وأصرف شياطين الإنس والجن عن كل كل البيوت

الانفصال أصبح اسهل من الزواج ..?
طبعا دي ظاهره كثرة هذا الأيام ومن المؤلم أن أتحدث عن هذا الموضوع ….

مش هنتكلم عن أسباب الانفصال تحدثنا عنها كثيرا ..
اليوم نتحدث عن ما هو أكثر قسوة من الطلاق الا وهو ما بعد الطلاق والأطفال والزوجة ..

هي سبب ام لا هو مظلوم او ظالم ،?
مش دي القضية المشكلة أن كل زوج عندما ينفصل عن زوجته ينفصل أيضا عن ابنائة .. بمعني طلق الاولاد كمان مع امهم لا يعرف عنهم شي لا مصاريف ولا مدرسة ولا عيد ولا معيشة . دي الظاهرة الاكثر شيوعاً..

من المعروف أو من الأصول أن الرجل هو صاحب القوامة يعني حضرتك انفصلت عن زوجتك .. تمام ما فيش نصب تكملوا مع بعض

لكن في اطفال انت ملزم تصرف علية سواء معك أو مع أمهم .. ليس له علاقة تمام ولا ذنب أنة وصل الدنيا .. وله اب مثلك لا يعتمد علية تركتهم مثل الايتيام بلا أب وانت حي ترزق .. للاسف شباب هذا الجيل لا يعرف النخوة ولا معني كلمة بابا أعظم ما في الوجود الاب ..

ماذا فعلت له بعد الانفصال ،?
جعلت منهم اطفال مريض نفسين يتسول الحب والعطف بين الناس يستدروا عطف الناس كي ينال منهم كلمة اولمسة أو ابتسامه اب .
ومحدش يقول ولية الأب لأن هو حياة ابنائة الاب كلمة لكن تحمل كل معاني الأمان والاستقرار حضرتك ربنا انعم عليك نعمة غيرك يتمني طفل ..
انت بكل جحود تتركه دون أي رحمه لمجرد أن طلق الام .. لا تعرف عنة اي شي ولا حتي بيصرف اذي .. طيب يا اخي اتقي الله .

المطلقة. …… ?
تعال بقي للي الهم مش سايبها في حالها واحده اتطلقت لاي سبب من الاسباب غلطها غلط طليقها مش معني انها بقت مطلقه انها بقت جربه الكل يبعد عنها لانها بقت فال وحش ولا اصل المطلقه سمعتها وحشه لاوالله انا اعرف وشفت بنات اطلقت واقسم بالله احسن من رجاله وقفين وبيشتغلوا وبيصرفوا علي عيلهم وفتحين بيوت مش معني انك شايفها نازله من عربيه الساعه عشره ولا تبقي كانت والعياذ بالله بتزني يااخي بتشتغل عند دكتور او محل ملابس او كوافير او حتي جليسه لواحده مسنه وعلي فكره مش مطلوب منها انها تكتب يافطه وتعلقها في رقبتها مكتوب عليها انا بشتغل في كذا
وبشتغل علشان اربي ولادي لان ابوهم لما طلقني مبيصرفش عليهم لانه طلقهم معايا ،?

علي فكره انا مش واعظه ولا احسن منكم بس بصراحه النميمه اللي بنسمعها من ناس لا بتخاف ربنا ولا تعرف يعني ايه ( ان بعض الظن اثم ) وفي النهايه ربنا يساعدهم علي المهمه اللي اتكلفوا بيها ويؤدوا الامانه

ربنا يحفظهم ويساعدهم ويقويهم علي تربيت أولادهم واللي حتي ابوهم عايش وطلق الام هي اللي بتصرف الله يرحمك يا رجولة واخس علي النخوه اللي ماتت

وسامحوني ان كانت بعض كلماتي قاسية?

الإخوه المطلقين :
المرأة الحاضنة: 7 حقوق
* التمكين من مسكن الزوجية أو أجر مسكن للحضانة.
* أجر للمطلقة الحاضنة مقابل حضانتها للصغار.
* أجر رضاعة.
* نفقة للصغار.
* مصروفات علاج للصغار.
* مصروفات تعليم للصغار.
* مصروفات ملابس “صيف وشتاء” للصغار

أية رايك ايها الرجل ده المفروض عليك قانوني وشرعي وأصول انت عملت ايه منهم

طيب والمشاعر وحب الاب لأولاده طيب والحضن والامان من غدر الزمان طيب احساسك انت كأب أية لما تنام تعيش حياتك
وما بخطر ابنك او بنتك ببالك … سألت عن أولادك واشتريت لهم لبس المدارس وشنط المدارس والكتب الخارجيه
عرفتوا دروسهم بكام ؟
ولا طلقتوهم مع أمهاتهم وبتعاقبوهم مع أمهاتهم ؟! (كفى بالمرء إثمًا أن يضيع من يعول)

انا مش بتكلم مين ظالم ومين مظلوم انا بتكلم علي أصول اتربينا عليها ام بتربي أولادها ربنا يوفقها ويقويها علي حالها أطلقت سواء هي السبب أو زوجها السبب في اطفال يجب أن يتكفل الاب بهم انت طلقت الام لكن ما طلقت لحمك ودمك
الا من رحم ربي