ا.د فتحي الشرقاوي
لا يستمد قيمته من شخصيته وانما يستمدها مما يمتلكه من مال او سلطه أو مركز ،طول ماهو قاعد معاك يتكلم عن نفسه الكبيره مع انه من داخله هش وضعيف ومسوس ،يحسسك انه ملك زمانه ومفيش زيه اتنين ،ويٌشْعرك أنك أقل منه في كل حاجه كل حاجه عنده بكام (بتمن)فشخرة كدابه ومَنْظَرَة مؤرفه، الغريب انك بتبقى عارف أصله وفصله ،ايام ما كان حافي وبيعمل بقية عشاه نوم وخايف لسانك يقع ويقوله سبحان العاطي الوهاب من بعد الشبشب والقبقاب.هذا البني آدم اللي بالشكل المستفز ده هو النموذج المجسد للشبع بعد الجوع فعلا..
يعتقد انه لا يوجد غيره يلبس ويأكل ويتفسح ويشتري ، يجد غيره.
مطحون ومع ذلك لا يكف عن حديثه عن أمواله وممتلكاته ومصاريفه.عنده مركبات نقص فظيعة في شخصيته و شعور رهيب بالدونيه من جواه وكل ما هذا النقص زاد كل ما نخعه وعجرفته وكبره بيزيد ،
الناس اللي عينها مليانه بجد لا يتكلمون عن نفسهم كثيرا لأن انجازاتهم تقوم مقام كلامهم ،عكس هذا الصنف لذا عندما تصادف أحدهم من المتورمين حديثا في أناهم ، لا تعطيه مساحة لكي يشعر بانتفاخه عليك، وأول بادرة لشم رائحة نرجسيته ،عليك باستحضار مرآة كبيره ووضعها في وشه لكي يرى نفسه في صورتها الحقيقيه وحجمها الطبيعي ،ولا تخف من رد فعله فهو لازال جعان ومنبطح من داخله ،ولا يغرنك شوية البروباجندا اللي بيعملها علشان يداري على شعوره الداخلي بتلنقص ،و ماتتخضش من شوية الهيصة في الصالون😀عاوزك تكسر سمه.
وياريت تفكره شوية بأيام جوعه وكحرته أيام ماكان بيكمل عشاه نوم، ساعتها هتلاقيه رجع بسرعه لأصله..واتكتم واتخرس..
(سبحان العاطي الوهاب بعد الشبشب والقبقاب)
مجردخاطره
ا.د. فتحي الشرقاوي
أستاذ علم النفس
جامعة عين شمس
