لو الأب قاسٍ هل يحبه الابن أم يكرهه؟ على جمعة: مش هتعرف تكره أبوك

قال الدكتور على جمعة عضو هيئة كبار العلماء بالأزهر الشريف، إن الأسرة من أهم مكونات المجتمع فإذا لم يكن هناك أسرة فليس هناك مجتمع ولا أوطان ولا انتماء للوطن، فنرى الله سبحانه وتعالي أسس الأسرة منذ بدايتها عن طريق الزواج الذى يعد المكون الأساسي للأسرة، فالرجل والمرأة دائرة تعمر الكون.

أجاب الدكتور على جمعة خلال برنامج “نور الدين والدنيا” المذاع عبر قنوات المتحدة، على سؤال لو الأب قاسٍ على الإبن هل يحبه أم يكرهه؟

رد جمعة: “مش هتعرف تكره أبوك، ده لو كان مشرك لازم تحبه، ربنا ما أمرناش نكره آباءنا ..طيب هو قاس عليك ممكن تكون طبيعته كده، فيه ناس تفتكر إنها قاسية من الضبط والحزم، ودى إدارة شئون البيت، الأب هو عاوزك تبقا أحسن واحد في الدنيا وانت عاوز تلعب، والقسوة نسبية، تقول أصله زعقلي طيب ماشى:” so what”، طيب ايه اللي هيترتب علي إنه زعقلك، وقال الله تعالى: «وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ».