سلمت بيتي لعديمة أمانة.. فريدة سيف النصر تتعرض للسرقة
شاركت الفنانة فريدة سيف النصر منشورًا عل صفحتها الشخصية على موقع التواصل الإجتماعي فيسبوك عن تعرضها للسرقة.
وكتبت فريدة سيف النصر: “ياجماعة طنط فريده إتروقت جامد.
استغرب جدا من اللي يمد أيده ياخد حاجاتك بمنتهي البجاحه ويسرقك وانت مٱمنه جدا..طيب ازاي هاتسلم بيتك لحد..وتلاقيه خانك..وممكن تأذيه لكن يصعب عليك عيالهم..برغم أن سهل جدا لو طلبوا الحاجات دي تديهالهم بطيب خاطر وبالحلال بدل مايبقوا حراميه وخاينين..أنا أول مره في حياتي ابعد عن بيتي كتير ..ومن يوم مارجعت للنهارده كل شويه اكتشف كوارث متاخده..كل ما احتاج حاجه ادور مالاقيهاش..منك لله يا شيخه. ياجماعه أنا واضح اني سلمت بيتي لعديمة امانه وخاينه ومش عايزه اسب ولا أأذي علشان ماعملتش لهم بلوك ويمكن عيالها يهزءوها..لكن لو في عندها ضمير ؟.ضمير ايه وزفت ايه يافريده..العوض علي الله بس مش هاتتهني أنا عارفه نفسي اللي بيخونني أو يظلمني ربنا في ظهري..حسبي الله بجد…هو أنا ناقصه …الحمد لله”.
والجدير بالذكر أن آخر اعمال فريدة سيف النصر مسلسل “العتاولة”، بطولة أحمد السقا، طارق لطفى، زينة، باسم سمرة، مى كساب، أحمد كشك، هدى الإتربي، نهى عابدين، ميمي جمال، زينب العبد، منة تيسير، مصطفى ابو سريع، مريم الجندى، مؤمن نور، محمد التاجى، يسرا الحديدي، وآخرون، من تأليف هشام هلال، وإخراج أحمد خالد موسى.
وتم الإعلان عن تقديم جزء ثان منه خلال شهر رمضان القادم، وذلك بعد النجاح الذى حققه العمل.
ومن المقرر ألا يتواجد كل من الفنانين فريدة سيف النصر والفنانة مي كساب في أحداث الجزء الثاني من مسلسل العتاولة، حي ستنضم شخصيات جديدة ضمن احداث العمل.
