سهير شلبي بعد تكريمها من قرينة الرئيس: بحبها قوى لأنها نموذج للست المصرية

قالت الإعلامية سهير شلبي بعد تكريمها من قرينة الرئيس عبد الفتاح السيسي “هي إنسانة مصرية جميلة قولت لها كلام كثير وهى كمان قالتى كلام كثير قالتلى كلام حلو قوى”.

وأضافت خلال لقائها ببرنامج السفيرة عزيزة المذاع على قناة “دى إم سى”: “في الحقيقة أنا بحبها قوى لأنها نموذج للست المصرية الأصيلة البسيطة المحتشمة الراسية اللى واقفة في ضهر جوزها وأنا بحب قوى الستات اللى تقف في ضهر جوزها.

وتابعت: أهم حاجة في الحياة انك كامرأة تكملى رسالتك الأساسية أولادك وزوجك هذا أولا، انا ابنتى شابة صغيرة في النادى بتقولى انا بحقق ذاتى في الأول وما اعرفش ايه، قولتلها لأ هذه العنجهية ما تنفعش أبدا، الست الاصيلة الأول تشوف بيتها تشوف ولادها تشوف جوزها طلباتهم احتياجاتهم وبعدين تحقق ذاتها، حققى ذاتك زى ما انتى عاوزة بقى كسرى الدنيا، انا كنت بعمل كده، كنت بقسم وقتى بين ولادى وجوزى.