قصه راعي الإبل الذي قراء كتاب الجن و انتقموا منه بطريقه بشعة في صحراء الربع الخالي في السعوديه

كتب جودة عبد الصادق إبراهيم

قصتنا اليوم صارت في صحراء الربع الخالي مع راعي الإبل من الجنسيه البنقالية كان يرعى مع شخص اسمه ابو خالد ابو خالد هذا كان يداوم في المدينه وقت ما يفضى يروح يشوف الإبل في صحراء الربع الخالي عند هذا البنقالي

فا استمر فتره طويله يروح ويجي لحد ما جاء ذاك اليوم ويشوف البنقالي الراعي مضروب واضح عليه اثار الضرب القويه سأله ابو خالد من ضربك ما يرد عليه ولا يعلمه حاول في اكثر من مره ولكن رفض كان البنقالي يتهرب من الجواب وما كان يبي يقله

لما شاف ابو خالد يتهرب ومو راضي ابداً انه يقول من ضربه تركه وخلاه ، راح شاف الإبل وتطمن عليها وشاف حلاله ومثل كل مره طلع ورجع بيته ، رجع ابو خالد بعد فتره يبي يشوف حلاله لما رجع يتفاجأ انه البنقالي برضوا مضروب واضح عليه علامات الضرب القويه كان الي يشوفه يحسبه متهاوش م عصابه كبيره

لكن الشي الغريب انه صحراء ربع خالي مافي حوله احد ولا في احد قريب منه ابداً يعني مين الي سوا فيه كذا سأله المره الثانيه من مسوي فيك كذا يا ادمي احكي لكن رافض رفض تام انهيحكي هذا البنقالي حاول فيه اكثر من مره ولكن رافض انه يقول شي ابداً ، بعدها قرر ابو خالد قرار انه يجيب ولده

ينام عند الراعي البنقالي ويعرف وش يصير معه في الليل ، جاب ولده ابو خالد وقاله بالسالفة ولده كان عمره 18 سنه قاله تمام ونام عند الراعي هذيك الليلة وفعلاً ياليته ما نام ولا جاء ، في صحراء + ظلام مخيف+عدو مجهول ، وفي اخر ساعات الليل على 2 كذا وهم نائمين يصحى خالد على صراخ البنقالي

يصرخ بصوت عالي خالد يقول انا صاحي ومفتح عيوني و اسمع صوت البنقالي يصرخ وفي ناس تضربه اسمع الصوت لكن ماني قادر اقوم مثل الجاثوم قاعد على صدري وكأني مشلول الحركه بالكامل بس مفتح عيوني لكن جسمي مقدر احركه فجاة وخر عني الجاثوم ونقزت من مكاني ابي اشوف البنقالي جالس يصرخ بصوت عالي

احاول اناظر بتجاه البنقالي وارفع راسي ما اشوف اي شي ماني مثل النور القوي جاي بعيني وفي يقول خالد ناظرت تحت عند رجولي وانا في الارض نزلت راسي من قوه النور الا و اشوف رجول غريبه مالها تشبه رجول الحمير اعزكم الله ، يقول خالد انا هنا اغمى علي وما حسيت بنفسي اخذت ابو 5 دقائق واصحى على

صوت البنقالي برا الخيمه جارينه جر من داخل الخيمه لحد ما طلعوه برا ، و ارجع مره ثانيه ابي اقوم ويجيني الجاثوم مره ثانيه ويشل حركتي وماني قادر اقوم و البنقالي يصيح صياح مـ.ـوت حقيقي بعدها قدرت اقوم واطلع برا الخيمه و اشوف البنقالي بعيد عن الخيمه يصيح اخذت الجوال ودقيت على ابوي

فجاة تجيني مثل الضربه على راسي وطحت ما حسيت على نفسي ولحسن الحظ كان الجوال يرن عند ابوي رد وسمع ابوي صوت البنقالي وهو يصيح ويصارخ على طول ابو خالد لما سمع صوت البنقالي طلع من بيته و اتجه لهم لما وصل ابو خالد شاف ولده طايح في الأرض ومافي شي لكن فاقد الوعي و البنقالي برا الخيمه

مبتلش بنفسه اخذهم ابو خالد ونقلهم للمستشفى خالد مغمى عليه وما يحس بشي يسأل البنقالي وش الي صار معكم مو راضي يحكي ابداً مثل كل مره ، بعد يومين خالد صحي ولكن ما يحكي ابداً يسأله ابوه وش الي صار معكم ولكن بدون فايده اخذ ولده وراح وداه عند شيخ قرا عليه وبعد اسبوع خالد بدا يصحى وقال…

بعدها ابو خالد مسك البنقالي من ملابسه وصرخ عليه انت وش سالفتك وبدا يرفع صوته عليه و يخوفه لحد ما البنقالي قرر انه يقوله السالفه ، يقول البنقالي مره من المرات مروني راعين ابل من جنسيه أفريقيه و غديتهم وجلسنا مع بعض وعطوني كتاب وقالولي هذا الكتاب لو قريتاه راح يجيك فلوس ويجونك جن

يلبون طلباتك ، يقول البنقالي انا هنا طمعت واخذت الكتاب منهم و اول ليله قريته وبديت اطبق الي مطلوب مني في هذا الكتاب مثل الاشياء النجسه وغيرها ، يقول اول ليله وثاني ليله كنت اسمع اصوات برا الخيمه ثالث يوم بعد ما قريته طلع بوجهي قطوه سوداء في الصحراء ما تفارقني كل شوي تناظرني

ويقول بعدها بفتره اختفت القطوه وصرت اشوف رجال ضخم جداً يطلعلي في الليل و النهار ويناظرني من بعيد لبعيد ما يقرب مني ابداً ،يقول بعدها بيوم صاروا يجوني و يضربوني في الليل بكل وحشيه ، بعدها ابو خالد قاله انت ما تجلس عندي ولا دقيقه وسفره إلى بلده ، بعد فتره دق على ابو خالد رقم

غريب رد عليه طلع البنقالي حقه يقول البنقالي ويشكي عليه انهم باقي يضربونه و لحقوه هناك و العياذ بالله