الصدقات وأعمال الخير في “شهر رمضان” بين الحقيقة والمزيفة

كتبت زيزي غريب

قال الله تعالى آمرًا نبيه صلى الله عليه وسلم: {قُل لِّعِبَادِيَ الَّذِينَ آمَنُواْ يُقِيمُواْ الصَّلاَةَ وَيُنفِقُواْ مِمَّا رَزَقْنَاهُمْ سِرّاً وَعَلانِيَةً مِّن قَبْلِ أَن يَأْتِيَ يَوْمٌ لاَّ بَيْعٌ فِيهِ وَلاَ خِلاَلٌ} [سورة إبراهيم: 31].
ويقول جل وعلا: {وَأَنفِقُواْ فِي سَبِيلِ اللّهِ…} [سورة البقرة: 195].

الصدقات بين المتســــولين والمتعففين
في كل عام من الشهر الكريم نجد ظاهره غريبه جدا او ثلاث انواع من البشر
الاول يريد أن يفعل خير ويتصدق عن ماله وصحته
والثاني يريد أن يأخذ صدقة حتي ولو كان لا يستحقها لمجرد فقط التسول ومد الايد
أما النوع الثالث هم المتعففين دول مجودين طول العام داخل بيوتهم عندهم من الكرب والهم ما يكفيهم
ولكن داخل بيوتهم يحاولون أن يرزقوا ب الحلال ولكن منهم المريض والعاجز. والذي لا يستطيع وجود شغل وهم من اوصي بيهم الله ورسوله وهم أولي ب الصدقات وان استطعت أن توجد لهم وظيفة ورزق دائم فهذا هو عين الصواب صدقة جاريه لانك سترت اسره متعففه طول العام وليس في الشهر الكريم فقط

النوع الثاني
هو من نتوقف عنده الان وهم المتسولين دول شر البشر معي في جوله صغير عنهم

المتسولين اللي في الشوارع دول مش عايزين ولا محتاجين ولا غلابه دول عصابات منظمة ممنهجة وليهم تنظيم ممنهج وهيكل ادارى هرمى كمان بس قبل ما اقولك ازاى الكلام دة لازم تفهم انك بغض النظر عن نيتك وانت بتدي للعصابات دي فلوس انت بتساهم في جرايم خطف اطفال و تعذيب وتجارة مخدرات ودعاره وسرقة ، لان كل الشحاتين دول بيحسنو دخلهم عن طريق جرايم تانيه اضافيه اللي قلتها
مفيش شحات يقدر يقف فى حتة يشحت فيها او يطلع المترو او يقف ادام محل بمزاجة . لان كل منطقة وليها ” ناضورجى ” بيأمن المتسولين وبيحميهم مقابل ” إتاوة ” معينة بيخدها كل يوم . والناضورجى دة هو اللى بينظم الموضوع بحيث ميتعداش شحات على منطقة شحات تانى خاصة بقا فى المواسم بتاعتهم ، وبيختار مين يروح مناطق إيه

مسألتش نفسك طب الست اللى شايلة عيل على كتفها وزنة حوالى 15 – 20 كيلو لمدة 8 ساعات / اليوم دى معندهاش صحة تمسح سلالم او تبيع مناديل او تخدم فى البيوت على الاقل شغلانة شريفة وحلال !!

طب جربت تعرض على حد فيهم وظيفة ؟؟ طبعاً مستحيل هيوافق لان اى كانت الشغلانة مش هتدخله نفس الدخل اليومي اللي بيوصل لألاف

طيب مسألتش نفسك ليه كل المتسولات تقريباً بيلبسوا ” نقاب ” ماهو اصلى مش من كتر الورع والتقى خلاص , من الاخر الستات دى ليهم حياة تانية انت متتخيلهاش حياة زيينا بالظبط , بتقعد على كافية , تخش سينما , تروح مطعم حلو تاكل اكله حلوة , ودة كله يخليها حريصة ان وشها ميظهرش فى شغلانة الشحاتة

طيب انت تعرف ان 100% من المتسولين الرجالة مدخنين ويمكن 90% منهم بياخد فلوسك يجيب بيها برشام عشان يقدر يشتغل ويلف طول اليوم فى الاتوبيسات والمترو !

الخلاصه “المؤمن كيس فطن”

ماتبقاش فاكر نفسك بتعمل خير وأنت بتساهم بمالك في جرايم، أي فلوس بتدفعها أعرف أن ممكن بتعين بيها مجرم خاطف طفل وحارق قلب ام وأب تانيين ، خليك ناشف قدام الأطفال و العاهات و العجزه , دول عدة النصب , الصدقات مكانها معروف والجهات الامينة معروفه وكتير ، عايز تعمل خير أعمله صح ماتستسهلش النصب ده عالم أكبر مما تتخيله مفيش شحات في الشارع دول عصابات منظمة .

الأقربون أولى بالمعروف او طلع في المساجد او المستشفيات الخيرية المعروفة في ناس متعففه كثيرة جدا داخل البيت لا يملكون المال والا الطعام ولا العلاج ولكن داخل البيوت. ابحث عن الأسر المتعففة واجتهد في البحث ولك اجرين اجر البحث والتعب عنهم وأجر مساعده الاسره متعففه اخرج الصدقات في المكان الصحيح واجتهد في البحث عن المتعففين ولك اجرين

رمضان مبارك عليكم جميعا