زيزي غريب تكتب … “ثمن الحياه”

كتبت زيزي غريب

كل حاجة في حياتنا ليها ثمن لو مدفعش الثمن علشان تتحرك من مكانك هتدفع ثمن إنك لسة واقف في مكانك بس وقتها تدفع الثمن أضعاف

وعشان الثمن ده مش سهل فكل ثمن ليه حكمة ؟ الثمن ده هو العبادات اللي بنعملها عشان نحافظ على دورنا في الحياة

نحافظ على القيم بتاعتنا نحافظ على علاقات ربنا استأمنا عليها

_ الشغل مثلاً ليه ثمن وثمنه في التعب والجد والإتقان

_ والزواج ثمنه الرفقة والمودة والرحمة

_ وحماية الروح اللي ربنا أسكني إليها

_ والصداقة ثمنها الدعم والتواجد والصحبة

وغيرهم كتير من الأثمان اللي لازم ندفعها لو حاجة في حياتنا ليها قيمة ومحتاجين نوصلها أو نحسنها أوحتى نحافظ عليها ثمنها الجد والاجتهاد

لازم تعرفت الحاجات اللي ليها قيمة عندك وتعرفت ثمن كل حاجة فيهم وبكده فاضل إنك تدفع الثمن

حب وإنت عارف إنك هتفارق اشتغل من غير متضيع عمرك ع الشغل واهتم كمان بالباقي اقبل المنصب وانت عارف انك ماشي اصرف وإنت عارف إن الفلوس هتخلص ازعل وإنت عارف إنك هتروق اخرج وانت عارف انك هتروح عيش وانت عارف انها دار فناء من وجهة النظر الحلوة خلي حياتك أسهل وابسط

وتضع في تفكيرك شي مهم أن كل حاجة بتخلص

طيب مادام عارفين إن كل حاجة بتخلص بنتبت فيها ليها؟
الثمن هنا في الشطارة إنك مطولش ومتعمقش أوي في أي حاجة بلاش تربط نفسك بحاجة كدا كدا خلصانة
ومش معنى كدا إنك تسيب إيديك

خير الأمور دايماً أوسطها انبسط بالراحة وتزعل براحه

ولكن هناك بعض الناس يُصرون علي إعطاء الكثير من الفرص إلي أشخاص لا يستحقون اي شيء ولا يقدرون
ثمن تلك الفرص من الأساس ، اعلم دائما أن ‏من يجرؤ على قذفك في متاهات الحزن و يبقيك مكبلاً بالخوف والقلق و يتلف روحك بالإنتظار ، لا يستحق منك عناء المحاولة و الإستمرار و إهدار وقتك معه من يطاوعه قلبه على إهمالك و أذيتك لا يجب أن يكون في قائمة إهتمامتك ابدا.

الحياة تجارب كما تعلم جميعنا. الشيخ الشعراوي قال حاجة حلوة اووووي قال احنا السبب فـي أننا دايماً عايشين فـي اكتئاب لفترة طويلة

لأن لما بيجيلنا بلاء م ربنا بنتضايق وبنمشي نشتكي للناس وبنعترض وده غلط . لازم نرضي ونقول الحمدلله ع كل حال وكمل وقال لو انت عندك ابنك وضربته قلم اذا خضع و رضي بتراضيه وتطبطب عليه . إنما لو عاند هتديله القلم التاني .

ربنا بيعاملنا كدة بالظبط ربنا بيقول فـ الحديث القدسي (من رضي بقدري اعطيته علي قدري )

تشآءُ ياعَبدِي وَأَشآءُ .فَإن رَضِيتَ بمآ أشآءُ ، أعَطيتُتكَ مآ تَشآء ُ يعني لو شكرت ربنا وحمدته هيزيدك وده وعد من ربنا وربنا مبيخلفش وعده يعني لو حمدته هتلاقي زيادة في “الصحة، المال، العمر، الاطفال، البركة، الحسنات،
حب الناس، نعيم الآخرة”

تخيل ان ربنا اصطفاك من بين ملايين الناس علشان تحمده وتقول جملة “الحمد لله” فأنت المفروض تحمد ربنا انه الهمك الحمد،

وافتكر إن الإمام الشافعي قال:
بقدرِ الكدِّ تُكتسبُ المعالي
ومن طلب العلا سهر الليالي
ومن رام العلا من غير كد
أضاع العمر في طلب المحال
تروم العز ثم تنام ليلاً
يغوص البحر من طلب اللآلي

وافتكر إنك لو مدفعش الثمن
علشان تتحرك من مكانك
هتدفع ثمن إنك لسى واقف في مكانك