اللي تشيل الفحل…تشيل الوحل …

بقلم ا.د فتحي الشرقاوي … أستاذ علم النفس جامعة عين شمس

في صنف من الأزواج ..لا هو مريض ولا تعبان ولا عيان بل بالعكس زي الفحل ( جوز الجاموسه)
مراته هى تقريبا اللي بتصرف عليه مش هو اللي بيصرف عليها.
مراته هى اللي فاتحاله بيته و مرعياله عياله.
والمدبرة والمخططة والمنفذة لكل احتياجاته.
أما هو ..فكل وظيفته يمد أيده لها….
كل مهمته…يرمي عليها بس…
كلماته المعتادة (اتصرفي ..أعملك إيه. ..)
مادد أيده على طول ليها طمعان على طول فيها.
عينيه على طول في القرشين اللي معاها…
طلباتها الشخصية كزوجة ميعرفش حاجه عنها…
حتى علاجها وأدويتها من فلوسها. …
مصاريف الأولاد والمدارس والمناسبات آخر طناش
أهل البلد بيسموه نطع… والغريب لما تسأل مراته ….
إنتٍ إيه اللي مصبرك على الفحل ده ( جوزك) كده…
تقولك نصيبي… أعمل إيه. ..
تعملي إيه!!!!!! ياريت تقرأي المثل اللي كتبته في المقدمة…
( اللي تشيل الفحل…تشيل الوحل) …
أما أنت ياجوز الست يابوز الأخص
ياريتك تسترجل شويه وتبقى راجل… عيب عليك كده …