الأم مدرسة … فبارك الله فى جميع الأمهات
كتبت زيزي غريب
انت تعرف امي .
امي كانت جمل يشيل الحمول ما يكل ولا يمل
امي كانت اسطوره .
امي تحت رجليها الجنة لما كنت اشتاق للجنة ابوس رجليها اتنفس رايحة الجنة.
امي كانت تعلمنا من غير ما تتكلم من افعلها كنا نتعلم
امي لما كانت تتكلم تسكت مجالس الرجال
امي كانت لما تمشي يقف لها الرجال والنساء احتراماً
امي ثم امي ثم امي ما حيت .
علمتنا أن الكلمة سيف تقطع رقاب الرجال
علمتنا نشيل ونعيش في المر قبل الحلو
علمتنا أن الدنيا أخذ وعطاء اعطي الخير تجده
علمتنا نكون ألناس الصح في الزمن الغلط.
?بارك الله فى جميع الأمهات ?
الأم مهما كبرنا ومهما تقدّم بنا العمر تبقى حاجتنا وحنينا اليها مدي الحياة تبقى روحنا تحيا بوجودها، وشوقنا إلى أحن صدر وأطيب قلب.
بازدياد لا ينقص مهما أخذتنا مشاغل الحياة، فمكانها بالقلب وصوتها منغرس بأحشائنا، فوجودها يعني الحياة وفراقها يعني الموت.
نعم الام هي الوطن العادل الذي لا ظلم فيه شوفت بعيونها الحياة شوفت فيها القيم والحكمة الام رحمة وجودها في البيت جنة دعوتها توصل للسماء بدون وسيط هي التي نكرم من أجلها اه ربنا يكرمك علشان خاطر امك طول ما هي عايشه تكرم لها ..
الام تشيل الهم ما تقول اي الضحكه مليا وشها ما تنام غير واولادها في حضنها .
هي التي يعتمد عليها البيت فلا وجود له بدونها
هي السند والقوة و الأمان..
هى الحضن الدافئ الذى نلجأ أليه كل ما يفيض بنا الوجع وقلة الحيلة
هي الى بطبطب ..وهي الى بتزعق وبتضرب
هي الى بتحب …
وهي الى عمرها فى حياتها ما قدر تكره
هي الى بدادى ..وهي بردو الى قلبها بيوجعها وتفضل تهاتى
هي الى تفضل تهدد هعمل فيكم واسوي … وبعدها تضحك ترجع فى رأييها
هي الى تفضل تشتكى وتقول مش قادره … وفى لحظه تنسى التعب وتقوم زى الجمل
هي الى بقول يخربيت كده زهقت طهقت … ولو فى يوم بعدت ازهق ويمكن كمان اتجنن
هي الى زى الكل صوتها طالع وفى نفس اللحظه تاخد بالحضن وتضم
هي الى تقول ماليش دعوه ان شاءالله تخرب
هو انا بتعب عشانى .. وبعدها بلحظه بتجرى بالشبشب وراهم عشانهم مش عشانها
وهي الى بتخنق وهي الى بتعشق
وهي الى بتزعق وعي الى بتصوت
وهي بردو الى بتحن
هي اللي لما تنجح كأنك نجحت
وهي الى بتسهر وهي الى من نظرتهم بفهم
وهي بردو الى بتموت لو ظهر على وشوشهم نظرة تعب
هي الى نظرة الفرح منهم عندها بالدنيا
هي الى بتعب وبتعفار علشنهم وعمرها مااشتكت .
هي الي نظره منهم بتنسيها تعبها طول اليوم..
رفقا بمن كانت ترقيك من الحسد
رغم انك لست الاجمل بين من حولك ومن كانت تطبطب عليك رغم انك الاخير فى السباق ومن تقول لك انا بخير رغم أنها تتألم من الداخل من شدة المرض ومن تعطيك نقودها رغم أنها فى امس الحاجة إليها انها الام
أما عن امي رحمة الله تعالى عليها. كنت فاكراكى ما بتضعفيش كنت عايزاكى ما تكبريش
كنت شيفاكى فى ضهرى جيش بيحارب لأجلي فى الضلمة تقيدى الفوانيس
كنتى بتهمسى فى ودنى ما تخافيش جوه حضنى الخوف ما يجيش واقفة طول النهار خدمانة ما تقوليش اصل انا عيانة
الوجع ما بيغلبكيش طلباتى ما بتتعبكيش شيفاكى جميلة الجميلات اجمل من كل الأمهات
فى حياتى كنتى الملكة ،?
الآمرة الحاكمة راس الحكمة الحل عندك فى الكلمة وكلامى ما بيزعجيش
ليه كده غفلتينى و ضعفتى؟
من غير ما احس لاقيتك كبرتى والعمر اللى فيه وقفتى تعبك يا امى واتهزمتى?
لكل شخص فقد أمه ?
حافظوا علئ أمهاتهم وبروهم
امي انتي في دعائي وحديثي وندائي انتي الكلام المردد في جوف قلبي انتي قلبي وقلبي انتي.
الام لن تتكرر في الحياة ابدا ولا يغني غيابها اي احد
الام معطف امان في ليالي العمر بعد الله.
امي التي كبرتني وعلمتني وحرمت نفسها لتسعدني
اللهم ارزقها جزاء احسانها لي الفردوس الاعلى من الجنة.
? رحمك الله يا امي الحبيبه?
أدام الله الأمهات ركائز البيوت
ورحمك الله يا امي .?
