مجتمع
للوشوش حكايات كتيرة
تاليف الدكتوره دعاء منير
كل واحد شكل قلبه.. روحه طالعة علي ملامحة .. والوشوش هي الغلاف
كل وش وليه حكاية .. اللي سمعتها المراية .. وقت لحظات الإعتراف
وفي وشوش ملامحها زين .. نفوس صحابها ولاد لذين.. لو تبان للناس تخاف
والوشوش محتاجة خبرة .. تقول دي غَبرة دي والا صابرة.. واللي لف ياما شاف
والجدع يقع في حيرة .. للوشوش حكايات كتيرة .. ونغرق احنا في شبر مايه
لولا تنقذنا البصيره .. في وشوش سهلة ومسامحة .. وفي وشوش تضحك مقاوحة
عِند في الوجع الكبير.. عدت الأحزان طاقتها .. ف أما حسبِتها لقيتها
عادي مش فارقة كتير.. ضحك والا دموع بتمشي .. يبقى اولي ماننكسرشي
نمشي وان امكن.. نطير .. والوشوش عناوين صحابها .. ناس تتوه ان جيت لبابها
وناس سكن ودفا وضمير .. والجدع يقع في حيرة .. للوشوش حكايات كتيرة
ونغرق احنا في شبر مايه .. لولا تنقذنا البصيرة
